ଚେନ୍ନାଇ: ସ୍ତ୍ରୀଙ୍କ ସହ ଝଗଡ଼ା କରି ଗୋଟିଏ କି ଦୁଇଟି ନୁହେଁ ଭାଙ୍ଗିଦେଲେ ୨୦ଟି କାର। ଏଭଳି ଏକ ଘଟଣା ଘଟିଛି ଚେନ୍ନାଇରେ। ଗ୍ୟାରେଜ ପାର୍କିଂ ଏରିଆରେ ଲାଗିଥିବା ସିସିଟିଭିରୁ ଏହା ଜଣାପଡ଼ିଥିଲା। ସ୍ତ୍ରୀଙ୍କ ସହ ଝଗଡା ପରେ ବୁବାଲାନ ନାମକ ୩୫ ବର୍ଷୀୟ ବ୍ୟକ୍ତି ରାଗରେ କାର୍ଗୁଡ଼ିକୁ ଭାଙ୍ଗିଥିଲେ। ସେକେଣ୍ଡ ହ୍ୟାଣ୍ଡ କାର୍ ଶୋ’ରୁମର ମାଲିକ ସକାଳେ ଗ୍ୟାରେଜ ଖୋଲିବା ପରେ ଗାଡିଗୁଡିକ ଭାଙ୍ଗିଥିବା ଦେଖିବାକୁ ପାଇଥିଲେ। ପରେ ଏ ନେଇ ପୋଲିସକୁ ସୂଚନା ଦେଇଥିଲେ। ସିସିଟିଭି ଫୁଟେଜ ଆଧାରରେ ବୁବାଲାନ ଏହି କାଣ୍ଡ ଘଟାଇଥିବା ପୋଲିସ ଜାଣିବା ପରେ ତାଙ୍କୁ ଗିରଫ କରିଛି। କେଉଁ କାରଣ ପାଇଁ ଝଗଡ଼ା ହୋଇଥିଲା ତାହା ସ୍ପଷ୍ଟ ହୋଇନାହିଁ।