ଇସଲାମାବାଦ,୧୧ା୭: ରାଗ ମଣିଷର ପରମ ଶତ୍ରୁ। କୌଣସି କଥାରେ ରାଗ ଆସିଲେ ମଣିଷ କିଛି ନା କିଛି କରି ବସେ। କିଛି ଲୋକ ଅଛନ୍ତି, ଯେଉଁମାନେ ଛୋଟ କଥାରେ ବି ଭୟଙ୍କର ଭାବେ ରାଗିଯାଇ ଅଜବ କାଣ୍ଡ ଘଟାଇଥାନ୍ତି। ଏବେ ସେମିତି ଏକ ଘଟଣା ସାମ୍ନାକୁ ଆସିଛି। ଜଣେ ବ୍ୟକ୍ତିଙ୍କୁ ଚିକେନ ତରକାରି ଭଲ ଲାଗିଲାନି ବୋଲି ସେ ତାଙ୍କ ସ୍ତ୍ରୀଙ୍କୁ ଟେକି ଝରକା ବାହାରକୁ ଫିଙ୍ଗିଦେଲେ। ଏପରି ଘଟଣା ଦେଖିବାକୁ ମିଳିଛି ପଡ଼ୋଶୀ ଦେଶ ପାକିସ୍ତାନରେ।
ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓ ପାକିସ୍ତାନର ବୋଲି କୁହାଯାଉଛି। ଭିଡିଓରେ ଉପରୁ ଖସିପଡିଥିବା ମହିଳାଙ୍କୁ ସ୍ବାମୀ, ଯାଆ, ଶାଶୁ ମିଶି ତଳକୁ ଫିଙ୍ଗି ଦେଇଛନ୍ତି। ମହିଳାଙ୍କ ଦୋଷ ଥିଲା ଯେ ସେ ଚିକେନକୁ ଠିକ୍ ଭାବରେ ରାନ୍ଧି ନ ଥିଲେ। ଯେଉଁଥିପାଇଁ ତାଙ୍କ ସ୍ବାମୀ, ଯାଆ ଏବଂ ଶାଶୁ ଏକାଠି ହୋଇ ତାଙ୍କୁ ବିଲଡିଂର ଝରକା ପଟେ ତଳକୁ ଫିଙ୍ଗି ଦେଇଥିଲେ। ଏହି ଘଟଣା ଲାହୋରର ନାନ୍ରିଆଲ ଛକସ୍ଥିତ ଶାଲିମାର ରୋଡ୍ ନିକଟରେ ଘଟିଛି। ପଡ଼ୋଶୀମାନେ ମଧ୍ୟ ମହିଳାଙ୍କ ପଡ଼ିବାର ଶବ୍ଦ ଶୁଣି ଆଶ୍ଚର୍ଯ୍ୟ ହୋଇ ବାହାରକୁ ଆସି ତାଙ୍କୁ ଉଠାଇବାରେ ସାହାଯ୍ୟ କରିଥିଲେ।
Shocking incident from Lahore Pakistan: A woman was thrown out of a window by her husband Shahbaz, brother-in-law Roman, and mother-in-law Shazia, for not spicing the chicken properly. Incident is from March 9, 2024. One of the main accused was arrested.https://t.co/CyXeOIt1KL pic.twitter.com/YAIvnT3QL1
— Diksha Kandpal🇮🇳 (@DikshaKandpal8) March 30, 2024
ଭିଡିଓଟି ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ @ DikshaKandpal8 ନାମକ ଏକ ଆକାଉଣ୍ଟରେ ଶେୟାର କରାଯାଇଛି। ଭିଡିଓରେ ୟୁଜରମାନେ ନିଜର କ୍ରୋଧ ପ୍ରକାଶ କରିଛନ୍ତି। ଜଣେ ୟୁଜର ଲେଖିଛନ୍ତି- ମସଲାଯୁକ୍ତ ଚିକେନ ମଣିଷ ଜୀବନଠାରୁ ଅଧିକ କି? ଅନ୍ୟ ଜଣେ ୟୁଜର ଲେଖିଛନ୍ତି, ଏହା ହେଉଛି ଅଜ୍ଞତା।
