ଇସ୍ଲାମାବାଦ,୧୬ା୭: ପାକିସ୍ତାନର ସିନ୍ଧରେ ଏକ ବୀଭତ୍ସ ହତ୍ୟାକାଣ୍ଡ ଘଟିଛି। ସ୍ତ୍ରୀ ନର୍ଗିସଙ୍କୁ ଅନୈତିକ ସମ୍ପର୍କରେ ଲିପ୍ତ ରହିବା ପାଇଁ ସ୍ବାମୀ ଆଶିକ ବାଧ୍ୟ କରୁଥିଲେ। ନର୍ଗିସ୍ ଏହାର ବିରୋଧ କରିବାରୁ ଆଶିକ ରାଗିଯାଇ ତାଙ୍କୁ ହତ୍ୟା କରିଥିବା ଖବର ପ୍ରକାଶ ପାଇଛି। ଆଶିକ ନର୍ଗିସଙ୍କ ମୁହଁରେ ତକିଆ ଦେଇ ତାଙ୍କୁ ଶ୍ୱାସରୁଦ୍ଧ କରି ହତ୍ୟା କରିବା ପରେ ଏକ ବଡ଼ ହଣ୍ଡାରେ ତାଙ୍କ ମୃତଦେହକୁ ସିଝାଇ ଥିବା ସ୍ଥାନୀୟ ପୋଲିସ କହିଛି। ତେବେ ନର୍ଗିସଙ୍କ ଗୋଟିଏ ଗୋଡ଼ ଭାଙ୍ଗିଯାଇଥିବା କୁହାଯାଉଛି। ଏହାର ସୂଚନା ନର୍ଗିସଙ୍କ ୧୫ ବର୍ଷୀୟା ଝିଅ ପୋଲିସକୁ ଦେବାପରେ ଏକ ଟିମ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଆଶିକ ତାଙ୍କ ୩ ପିଲାଙ୍କ ସହ ଫେରାର୍ ଅଛନ୍ତି।