ମୋହନା,୫।୧(ମନ୍ମଥ ମିଶ୍ର): ପରକ୍ରିୟା ପ୍ରୀତିରୁ ଘଟିଛି ଏକ ଅଭାବନୀୟ କାଣ୍ଡ। କାଲେମା ଗାଁ ପାଖ ଏକ ଜଙ୍ଗଲ ସ୍ତ୍ରୀଙ୍କୁ ପଥରରେ ଛେଚି ହତ୍ୟା କରିଛି ସ୍ବାମୀ। ଫଳରେ ଅନାଥ ହୋଇଛନ୍ତି ଚାରି ସନ୍ତାନ। ଏହିପରି ଏକ ଘଟଣା ଦେଖିବାକୁ ମିଳିଛି ଗଜପତି ଜିଲା ଅଡବା ଥାନା ଅଧୀନ ଗୁଲୁବା ପଞ୍ଚାୟତ କାଲେମା ଗାଁରେ। ମୃତ ଲକ୍ଷ୍ୟହିରାଙ୍କ ଭାଇ ପ୍ରମୋଦଙ୍କ କହିବା ମୁତାବକ, ଲକ୍ଷ୍ୟହୀରା ଦୀର୍ଘ ୧୫ ବର୍ଷ ତଳେ ନିଜ ମାମୁଁ ପୁଅ ଧର୍ମେନ୍ଦ୍ର ନାୟକଙ୍କୁ ଭଲ ପାଇ ବାହା ହୋଇଥିଲେ l ହେଲେ ଲକ୍ଷହିରାଙ୍କ ପରିବାର ଏହି ବିବାହରେ ଏକମତ ନ ଥିଲେ।
ଇତି ମଧ୍ୟରେ ସେମାନଙ୍କ ୪ଟି ସନ୍ତାନ ହୋଇଥିଲା l ତେବେ ଚାରି ମାସ ହେଲା ଧର୍ମେନ୍ଦ୍ରଙ୍କ ଅନ୍ୟ ଜଣେ ମହିଳାଙ୍କ ସହ ସମ୍ପର୍କ ରହିଥିବା ସ୍ତ୍ରୀ ଲକ୍ଷହିରା ଜାଣିବାକୁ ପାଇଥିଲେ। ଏନେଇ ସ୍ତ୍ରୀ-ସ୍ବାମୀଙ୍କ ମଧ୍ୟରେ ପାଟତୁଣ୍ଡ ଲାଗି ରହୁଥିଲା। ଏପରିକି ଧର୍ମେନ୍ଦ୍ର ସ୍ତ୍ରୀଙ୍କୁ ମାରପିଟ୍ କରୁଥିବା ଅଭିଯୋଗ ହୋଇଛି।
ଏନେଇ ଲକ୍ଷହିରା କିଛିଦିନ ତଳେ ବାପ ଘରକୁ ଚାଲି ଆସିଥିଲେ। ଗାଁରେ ବୁଝାବୁଝୀ ପରେ ଧର୍ମେନ୍ଦ୍ର ସ୍ତ୍ରୀ ଲକ୍ଷହିରାଙ୍କୁ ଘରକୁ ନେଇଥିଲେ। ପରେ ଗାଁରେ ପୁଣି କଳହ ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ଧମେନ୍ଦ୍ର ଭଉଣୀ ଲକ୍ଷ୍ୟହିରାଙ୍କୁ ଜଙ୍ଗଲରେ ହତ୍ୟା କରିଥିବା ଭାଇ ପ୍ୟାରିଲାଲ ଅଭିଯୋଗ କରିଛନ୍ତି।
ଖବର ପାଇ ଅଡବା ଥାନା ଅଧିକାରୀ ଶୁଭ୍ରାଂଶୁ କୁମାର ପଣ୍ଡା ଗାଁରେ ପହଞ୍ଚି ତଦନ୍ତ ଆରମ୍ଭ କରଛନ୍ତି। ଏପରକି ଗାଁରେ ଉତ୍ତେଜନା ପରିସ୍ଥିତିକୁ ଦୃଷ୍ଟିରେ ରଖି ଏକ ଶାନ୍ତି କମିଟି ଗଠନ କରାଯାଇଥିବା ଗୁଲୁବା ସରପଞ୍ଚ ରେଜିନା ପ୍ରଧାନ କହିଛନ୍ତି । ତେବେ ଗାଁରେ ଏନେଇ ଶୋକାକୁଳ ପରିସ୍ଥିତି ଲାଗି ରହିଥିବା ବେଳେ ପୋଲିସ ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।
