ଆର.ଉଦୟଗିରି,୬।୭(ଡି.ଏନ୍.ଏ.): ଗଜପତି ଜିଲା ମୋହନା ଥାନା ଅନ୍ତର୍ଗତ ପେଜପାଣି ଗାଁରେ ରବିବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ବାପାଙ୍କୁ ଟାଙ୍ଗିଆରେ ହାଣି ହତ୍ୟା କରିଛି ବଡ଼ ପୁଅ। ମୃତକ ହେଲେ ଗ୍ରାମର ଦୁର୍ମନ ସବର (୫୫)।
ସୂଚନାଯୋଗ୍ୟ, ଦୁର୍ମନ ଦୁଇ ଜଣଙ୍କୁ ବିବାହ କରିଥିବା ବେଳେ ଦ୍ୱିତୀୟ ସ୍ତ୍ରୀ ପୁଷ୍ପାଞ୍ଜଳୀଙ୍କ ପାଖରେ ରହୁଥିଲେ। ତେବେ ଦୁଇ ସ୍ତ୍ରୀଙ୍କ ମଧ୍ୟରେ ଜମିଭାଗକୁ ନେଇ ସବୁବେଳେ ଗଣ୍ଡଗୋଳ ହେଉଥିଲା। ଶୁକ୍ରବାର ଦୁର୍ମନ ଦ୍ୱିତୀୟ ସ୍ତ୍ରୀଙ୍କ ସହ ମିଶି ପ୍ରଥମ ସ୍ତ୍ରୀଙ୍କୁ ମାରିବାକୁ ପ୍ରଥମ ସ୍ତ୍ରୀଙ୍କୁ ମାରିବାକୁ ଉଦ୍ୟମ କରୁଥିଲେ। ଏହା ପ୍ରଥମ ସ୍ତ୍ରୀଙ୍କ ପୁଅ ସେ ଜାଣିପାରି ଥିଲେ। ଏ ନେଇ ରବିବାର ଗାଁର ନିଛାଟିଆ ସ୍ଥାନରେ କେପାସ ଟାଙ୍ଗିଆରେ ହାଣି ବାପା ଦୁର୍ମନଙ୍କୁ ହତ୍ୟା କରିଥିଲେ । ସ୍ତ୍ରୀ ଥାନାରେ ଦୁଇପୁଅଙ୍କ ନାଁରେ ଏତଲା ଦେଇଥିବା ବେଳେ ବଡ ପୁଅ କେପାସ ଥାନାକୁ ଯାଇ ଆତ୍ମସମର୍ପଣ କରିଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତକରି ବ୍ରହ୍ମପୁର ବଡମେଡିକାଲକୁ ବ୍ୟବଚ୍ଛେଦ ପାଇଁ ପଠାଇଛି। ଏ ନେଇ ମୋହନା ଥାନାରେ ନଂ.୧୦୭/୨୦ ରେ ମାମଲା ରୁଜୁ ହୋଇଛି।