ରାଇରଙ୍ଗପୁର,୨୮ା୯(ଡି.ଏନ୍.ଏ.)-ମୟୂରଭଞ୍ଜ ଜିଲା ବିଶୋଇ ଥାନା ଅଧୀନ ରାଇରଙ୍ଗପୁର-ବାରିପଦା ରାସ୍ତାର ସାନାଛକଠାରେ ସୋମବାର ଅପରାହ୍ନରେ ଟ୍ରକ୍ ଧକ୍କାରେ ଦମ୍ପତିଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ମୃତକ ହେଲେ ବିଶୋଇ ଥାନା ଅଶନଶିଖର ଗ୍ରାମର ଅଙ୍ଗନଓ୍ବାଡି କର୍ମୀ ସାବିତ୍ରୀ ମୁଣ୍ଡା ଓ ତାଙ୍କ ସ୍ବାମୀ ସୁକୁରା ମୁଣ୍ଡା। ଗୁରୁତର ଆହତ ଅନ୍ୟ ଜଣେ ଅଙ୍ଗନଓ୍ବାଡି କର୍ମୀ ଘୋଳାବିନ୍ଧା ଗ୍ରାମର ନିରୁପମା ହେମ୍ବ୍ରମଙ୍କୁ ଚିକିତ୍ସା ଲାଗି ବାରିପଦାସ୍ଥିତ ପିଆର୍ଏମ୍ ମେଡିକାଲରେ ଭର୍ତ୍ତି କରାଯାଇଛି।
ସୂଚନାଅନୁଯାୟୀ, ମୃତ ଦମ୍ପତି ଓ ଆହତ ଅଙ୍ଗନଓ୍ବାଡ଼ି କର୍ମୀ ଜଣକ ସାନାଛକଠାରେ ରାସ୍ତାପାର୍ଶ୍ୱରେ ଛିଡ଼ା ହୋଇଥିବାବେଳେ ଦ୍ରୁତଗତିରେ ଆସୁଥିବା ଗ୍ୟାସ ସିଲିଣ୍ଡର ବୋଝେଇ ଉକ୍ତ ଟ୍ରକ୍ଟି ସେମାନଙ୍କୁ ଧକ୍କା ଦେଇଥିଲା। ପୋଲିସ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରି ଏକ ମାମଲା(ନଂ.୯୫/୨୦) ରୁଜୁ କରିଛି।