ବରଗଡ଼,୯।୧୨(ପ୍ରେମାନନ୍ଦ ଖମାରୀ): ବରଗଡ଼ସ୍ଥିତ କ୍ରିଷ୍ଣା ବିକାଶ ଗ୍ରାଉଣ୍ଡରେ ଶୁକ୍ରବାର ଓଡ଼ିଶା ଏବଂ ହାଇଦ୍ରାବାଦ ମଧ୍ୟରେ ୧୯ବର୍ଷରୁ କମ୍ କୁଚ୍ ବିହାର ଟ୍ରଫିର ଏଲିଟ୍ ଗ୍ରୁପ-ଇ ଲିଗ୍ ମ୍ୟାଚ ଆରମ୍ଭ ହୋଇଛି। ଓଡ଼ିଶା ଟସ୍ ଜିତି ବୋଲିଂ ନିଷ୍ପତ୍ତି ନେଇଛି। ବର୍ଷା କାରଣରୁ କେବଳ ୧୭ ଓଭର ଖେଳ ସମ୍ଭବ ହୋଇଥିଲା। ହାଇଦ୍ରାବାଦ ଏକ ଉଇକେଟ ବିନିମୟରେ ୪୯ରନ୍ ସଂଗ୍ରହ କରିଛି। ଭ୍ରମଣକାରୀ ଦଳ ପକ୍ଷରୁ ୱାଫି କାଚ୍ଛି ଡାଇମଣ୍ଡ୍ ଓ ସି. ସିଦ୍ଧାର୍ଥ ରାଓ ଚେପ୍ୟାଲା ବ୍ୟାଟିଂ ଆରମ୍ଭ କରିଥିଲେ। ସିଦ୍ଧାର୍ଥ ୧୪ରନ କରି ଓଡ଼ିଶା ବୋଲର ଶ୍ରୀରାଜ ପଟ୍ଟନାୟକଙ୍କ ଦ୍ୱାରା ସେ ଆଉଟ୍ ହୋଇଯାଇଛନ୍ତି। ପ୍ରଥମ ଦିବସର ଖେଳ ଶେଷବେଳକୁ ୱାଫି କାଚ୍ଛି ୧୬ ଏବଂ ଆର୍. ଅଲଙ୍କ୍ରିଡ୍ ୧୩ରନ କରି ଅପରାଜିତ ରହିଛନ୍ତି। ଓଡ଼ିଶା ପକ୍ଷରୁ ଶ୍ରୀରାଜ ପଟ୍ଟନାୟକ ୭ ଓଭରରେ ୧୫ରନ ଦେଇ ଗୋଟିଏ ଉଇକେଟ ନେଇଛନ୍ତି।
ବିସିସିଆଇର ଅମ୍ପାୟର ପ୍ରେମଦୀପ ଚାଟାର୍ଜୀ ଓ ରବିଶଙ୍କର ଖେଳ ପରିଚାଳନା କରିଥିଲେ। ଅମିତ ଶର୍ମା ମ୍ୟାଚ ରେଫରି ଥିବାବେଳେ ପରମବୀର ସିଂ ଅନ୍ଲାଇନ ସ୍କୋରର ଅଛନ୍ତି। ସଞ୍ଜୟ କୁମାର ଏବଂ ଅମିତ କୁମାର ଭିଡ଼ିଓ ଆନାଲିଷ୍ଟ ଅଛନ୍ତି। ଉଦ୍ଘାଟନୀ ସମାରୋହରେ କ୍ରିଷ୍ଣା ବିକାଶ ଗ୍ରୁପ୍ର ଚେୟାରମ୍ୟାନ ତଥା ଭେନ୍ୟୁ ମ୍ୟାନେଜର ଡି. ମୁରଲୀ କ୍ରିଷ୍ଣା, ଜିଲା କ୍ରିକେଟ ଆସୋସିଏଶନ ସଭାପତି ହରିହର ପ୍ରଧାନ, ସମ୍ପାଦକ ରବି ନାରାୟଣ ପଣ୍ଡା, ଉପସଭାପତି ଶୁଭ୍ରାଂଶୁ ଶେଖର ମହାପାତ୍ର, ଯୁଗ୍ମ ସମ୍ପାଦକ ସଚ୍ଚିଦାନନ୍ଦ ପଣ୍ଡା, କୋଷାଧ୍ୟକ୍ଷ ଗୁରୁଦତ୍ତ ଦାଶ, ପୂର୍ବତନ ସମ୍ପାଦକ ସୁବ୍ରତ ଚାଟାର୍ଜୀ ପ୍ରମୁଖ ଉପସ୍ଥିତ ଥିଲେ।
