ମଣିଷ ପରି କୁକୁର ଏବେ ସେଲସ୍ମ୍ୟାନ ସାଜିଛି। ତାହାପୁଣି ଏକ ପ୍ରତିଷ୍ଠିତ କାର କମ୍ପାନୀରେ। ଶୁଣିବାକୁ ଏହା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। କୁକୁର ବେକରେ ଆଇଡି କାର୍ଡ ମଧ୍ୟ ଝୁଲୁଛି। ଏଥିପାଇଁ କୁକୁରଟି ଏବେ ଷ୍ଟାର ପାଲଟିଯାଇଥିବା ବେଳେ ସୋସିଆଲ ମିଡିଆରେ ତାର ଅନେକ ଫଟୋ ଭାଇରାଲ ହେବାରେ ଲାଗିଛି।
ବ୍ରାଜିଲର ହୁଣ୍ଡାଇ ଶୋ’ ରୁମ୍ ସମ୍ମୁଖରେ ଏହି କୁକୁରଟି ପ୍ରତିଦିନ ବୁଲୁଥିଲା। ଧୀରେ ଧୀରେ ସେ ଶୋ’ରୁମ୍ର କର୍ମଚାରୀଙ୍କ ସହ ମିଶିଗଲା। କର୍ମଚାରୀମାନେ ତା’ର ନାମ ରଖିଲେ ଟକ୍ସନ୍। ପରେ ଟକ୍ସନ୍ ଶୋ’ ରୁମ୍ର ଅନ୍ୟ କର୍ମଚାରୀଙ୍କ ପରି କାମ କରିବାକୁ ଲାଗିଛି। ଏଥିପାଇଁ ତା’ର ଏକ ଆଇଡି କାର୍ଡ ମଧ୍ୟ ତିଆରି କରାଗଲା। ପ୍ରତିଦିନ କାର୍ଡଟି ତା’ର ବେକରେ ଝୁଲିଥାଏ। ଗ୍ରାମର ନାଜି ନାମକ ଜଣେ ବ୍ୟକ୍ତି ନିଜ ଟୁଇଟର ଆକାଉଣ୍ଟରେ ଟକ୍ସନ ସହ ଅନ୍ୟ କର୍ମଚାରୀଙ୍କ ଫଟୋ ଶେୟାର କରିଛନ୍ତି।
