ନୂଆଦିଲ୍ଲୀ,୫।୭: ଦିଲ୍ଲୀ ଏକ୍ସାଇଜ ପଲିସି ସ୍କାମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଜାମିନ ଆବେଦନ ଶୁକ୍ରବାର ଦିଲ୍ଲୀ ହାଇକୋର୍ଟରେ ଶୁଣାଣି ହୋଇଛି। ଏହି ଆବେଦନରେ କେଜ୍ରିୱାଲଙ୍କ ଗିରଫଦାରୀକୁ ମଧ୍ୟ ସିବିଆଇ ଚ୍ୟାଲେଞ୍ଜ କରିଥିଲା। ଏହି ମାମଲାର ଶୁଣାଣି ବେଳେ ହାଇକୋର୍ଟ ସିବିଆଇକୁ ନୋଟିସ ଜାରି କରିଛନ୍ତି। ମାମଲାର ପରବର୍ତ୍ତୀ ଶୁଣାଣି ଜୁଲାଇ ୧୭ରେ ହେବ।
ଏହି ମାମଲାର ଶୁଣାଣି ବେଳେ କେଜ୍ରିୱାଲଙ୍କ ଓକିଲ କହିଛନ୍ତି, ଅରବିନ୍ଦ କେଜ୍ରିୱାଲ ଆତଙ୍କବାଦୀ ନୁହଁନ୍ତି, ତାଙ୍କୁ କାହିଁକି ଜାମିନ ମିଳୁନାହିଁ? କୋର୍ଟ କହିଛନ୍ତି, ଆପଣ ନିମ୍ନ ଅଦାଲତରୁ ମଧ୍ୟ ଜାମିନ ପାଇପାରିବେ। ତେବେ ଆପଣ ଏଭଳି ପରିସ୍ଥିତିରେ ହାଇକୋର୍ଟକୁ କାହିଁକି ଆସିଛନ୍ତି? ଶୁଣାଣି ସମୟରେ ଏହାର ଉତ୍ତର ଦାଖଲ କରିବାକୁ ସିବିଆଇକୁ ସମୟ ଦେବା ସହିତ କୋର୍ଟ ଏକ ବିଜ୍ଞପ୍ତି ଜାରି କରିଛନ୍ତି।