ମୁଁ ଇଂରାଜୀ ବିରୋଧୀ ନୁହେଁ, କିନ୍ତୁ ଭାରତର ପିଲାମାନେ ମାତୃଭାଷା ସହିତ ହିନ୍ଦୀ ଶିଖିବା ଉଚିତ୍‌: ଅମିତ ଶାହା

ଅହମ୍ମଦାବାଦ,୧୪।୮: କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଦେଶର ସ୍ଥାନୀୟ ଭାଷାଗୁଡ଼ିକୁ ସଂରକ୍ଷଣ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି। ଗୁଜରାଟ ଗସ୍ତରେ ଅହମ୍ମଦାବାଦ୍‌ଠାରେ ଥିବା ଭାରତୀୟ ଶିକ୍ଷା ସଂସ୍ଥାନ(ଆଇଆଇଟିଇ) ର ଦୀକ୍ଷାନ୍ତ ସମାରୋହରେ ସ୍ନାତକୋତ୍ତର ଛାତ୍ରମାନଙ୍କୁ ସମ୍ବୋଧିତ କରିଥିଲେ। ଏହି ଅବସରରେ ଶାହା ସ୍ନାତକ ଛାତ୍ରମାନଙ୍କୁ ସଂସ୍କୃତ ଭାଷା, ଉପନିଷଦ ଏବଂ ବେଦରେ ଉପଲବ୍ଧ ଜ୍ଞାନର ସମ୍ପଦ ବ୍ୟବହାର କରିବାକୁ ଅନୁରୋଧ କରିଥିଲେ।
ସ୍ବରାଷ୍ଟ୍ର ମନ୍ତ୍ରୀ କହିଛନ୍ତି ଯେ, ସେ ଇଂରାଜୀ ବିରୋଧୀ ନୁହଁନ୍ତି, କାରଣ ଭାରତ ଏପରି ଦେଶ, ଯାହା କୌଣସି ପ୍ରକାରର ଜ୍ଞାନକୁ ବିରୋଧ କରିପାରିବ ନାହିଁ। ଆମର ସମସ୍ତ ସଂସ୍କୃତି, ଇତିହାସ, ସାହିତ୍ୟ ଏବଂ ବ୍ୟାକରଣ ଧାରଣ କରିଥିବାରୁ ସମସ୍ତ ଭାରତୀୟ ଭାଷାକୁ ସଂରକ୍ଷଣ ଏବଂ ପ୍ରୋତ୍ସାହିତ କରିବା ତୁମମାନଙ୍କର ଦାୟିତ୍ୱ ଅଟେ। ଆମ ଭାଷାକୁ ମଜଭୁତ କରିବାକୁ ପଡିବ। ଜାତୀୟ ଶିକ୍ଷା ନୀତି ୨୦୨୦ର ଏକ ଗୁରୁତ୍ୱପୂର୍ଣ୍ଣ ଦିଗ ହେଉଛି ପିଲାମାନଙ୍କୁ ମାତୃଭାଷାରେ ଶିକ୍ଷା ଦେବା।
ଶାହା କହିଛନ୍ତି, ମୋର ବିଶ୍ୱାସ ଯେ ପିଲାମାନେ ଇଂରାଜୀ ସହିତ ଫରାସୀ, ଜର୍ମାନ ଭଳି ଭାଷା ଶିଖିବା ଉଚିତ, କିନ୍ତୁ ଗୁଜରାଟର ଜଣେ ପିଲା ଉଭୟ ଗୁଜରାଟୀ ଏବଂ ହିନ୍ଦୀ ଶିଖିବା ଉଚିତ, ଜଣେ ଆସାମୀୟ ଉଭୟ ଆସାମୀୟ ଭାଷା ଶିଖିବା ଉଚିତ ଏବଂ ହିନ୍ଦୀ ଏବଂ ତାମିଲ ଉଭୟ ତାମିଲ ଏବଂ ହିନ୍ଦୀ ଶିଖିବା ଉଚିତ। ।ଯଦି ଏହା ଘଟେ, ତା’ହେଲେ ଆମ ଦେଶକୁ ଆଗକୁ ବଢିବାକୁ କେହି ଅଟକାଇ ପାରିବେ ନାହିଁ।