ପ୍ରୟାଗରାଜ,୧୩।୪: ଉମେଶ ପାଲ ହତ୍ୟାକାଣ୍ଡ ମାମଲାରେ ଅଭିଯୁକ୍ତ ଅସଦ ଅହମଦଙ୍କୁ ଗୁରୁବାର ଝାନ୍ସିରେ ଏନ୍କାଉଣ୍ଟର କରାଯାଇଛି। ପୁଅର ଏନ୍କାଉଣ୍ଟର ଖବର ପାଇବା ପରେ ବାପା ଅତିକ ଅହମ୍ମଦ ପ୍ରୟାଗରାଜ ସ୍ଥିତ କୋର୍ଟ ରୁମ୍ରେ ଭୋ ଭୋ ହୋଇ କାନ୍ଦି ପକାଇଥିଲେ।
ଏପରି କି ଅତିକଙ୍କୁ ନୈନି ଜେଲକୁ ନିଆଯାଉଥିବା ପୁଅର ମୃତ୍ୟୁ ପାଇଁ ନିଜେ ଦାୟୀ ବୋଲି କହିଛନ୍ତି। ଏପରି କି ତାଙ୍କୁ ପୁଅର ଶେଷକୃତ୍ୟରେ ଯୋଗଦେବା ନେଇ ଅନୁମତି ଦିଆଯାଉ ବୋଲି ସେ ପ୍ରକାଶ କରିଛନ୍ତି।
ଖବରଦାତା ସମ୍ମିଳନୀରେ ଉତ୍ତରପ୍ରଦେଶର ଏଡିଜି (ଆଇନ) ପ୍ରଶାନ୍ତ କୁମାର କହିଛନ୍ତି ଯେ ଝାନ୍ସିଠାରେ ଉମେଶ ପାଲ ହତ୍ୟା ମାମଲାର ଅଭିଯୁକ୍ତ ଅସଦ ଏବଂ ତାଙ୍କ ସହଯୋଗୀ ଗୁଲାମଙ୍କ ମଧ୍ୟରେ ଉତ୍ତରପ୍ରଦେଶ ସ୍ପେଶାଲ ଟାସ୍କଫୋର୍ସ(ଏସ୍ଟିଏଫ୍) ମଧ୍ୟରେ ଗୁଳି ବିନିମୟ ହୋଇଥିଲା। ହେଲେ ଏସ୍ଟିଏଫ୍ ଯବାନଙ୍କ ଗୁଳିରେ ଅଭିଯୁକ୍ତ ଅସଦ ଏବଂ ଗୁଲାମଙ୍କ ମୃତ୍ୟୁ ଘଟିଛି।
୨୦୦୫ରେ ତତ୍କାଳୀନ ବିଏସ୍ପି ବିଧାୟକ ରାଜୁ ପାଲ ହତ୍ୟା ମାମଲାର ମୁଖ୍ୟ ସାକ୍ଷୀ ଉମେଶ ପାଲ ଏବଂ ଦୁଇ ସୁରକ୍ଷା କର୍ମୀଙ୍କୁ ଫେବୃୟାରୀ ୨୪ରେ ପ୍ରୟାଗରାଜ ଧୋମଙ୍ଗଞ୍ଜ ଅଞ୍ଚଳରେ ଗୁଳି କରାଯାଇଥିଲା। ପରେ ଅଭିଯୁକ୍ତମାନେ ଫେରାର ହୋଇଯାଇଥିଲେ। ଏହି ଘଟଣାର ସମ୍ପୂର୍ଣ୍ଣ ଦୃଶ୍ୟ ଏକ ସିସିଟିଭିରେ କଏଦ ହୋଇଥିଲା। ଏପରି କି ସିସିଟିଭି ଫୁଟେଜରେ ଅସାଦ ଏବଂ ତାଙ୍କ ସହଯୋଗୀ ଆକ୍ରମଣ କରୁଥିବା ସ୍ପଷ୍ଟ ହୋଇଥିଲା। ପୋଲିସ ଅଭିଯୁକ୍ତମାନଙ୍କୁ ଧରିବା ନେଇ ତଦନ୍ତ ଚଳାଇଥିଲା। ଘଟଣାର ୪୫ ଦିନ ପରେ ଗୁରୁବାର ଏହି ଏନ୍କାଉଣ୍ଟର ଘଟିଛି।