ନୂଆଦିଲ୍ଲୀ,୨୮।୧୧: ଅଷ୍ଟ୍ରେଲିଆ ଅଲରାଉଣ୍ଡର ଗ୍ଲେନ୍ ମ୍ୟାକ୍ସଓ୍ବେଲ ଶୁକ୍ରବାର ଭାରତ ବିପକ୍ଷ ପ୍ରଥମ ଦିନିକିଆ ମ୍ୟାଚ୍ରେ ଜବରଦସ୍ତ ବ୍ୟାଟିଂ କରିଥିଲେ। ମାତ୍ର ୧୯ ବଲରେ ସେ ୪୫ ରନ୍ କରି ସମସ୍ତଙ୍କୁ ଚକିତ କରିଥିଲେ। ତେବେ ନିକଟରେ ଶେଷ ହୋଇଥିବା ଆଇପିଏଲ୍ରେ କିନ୍ତୁ ମାକ୍ସଓ୍ବେଲ ସେତେଟା ଭଲ ଖେଳି ନ ଥିଲେ। ସେହିଭଳି ଓ୍ବେଷ୍ଟଇଣ୍ଡିଜ୍ ଅଲରାଉଣ୍ଡର ଜିମି ନିଶମ ମଧ୍ୟ ଆଇପିଏଲ୍ରେ ଭଲ ପ୍ରଦର୍ଶନକରି ନ ଥିଲେ। ହେଲେ ନ୍ୟୁଜିଲାଣ୍ଡ ବିପକ୍ଷରେ ଦଳ ପକ୍ଷରୁ ଟି-୨୦ ମ୍ୟାଚ୍ ଖେଳି ୨୪ ବଲ୍ରେ ୪୮ ରନ୍ କରିଥିଲେ। ଫଳରେ କିଙ୍ଗ୍ସ ଇଲେଭେନ୍ ପଞ୍ଜାବର ପ୍ରଶଂସକମାନେ ଆଶ୍ଚର୍ଯ୍ୟ ପ୍ରକାଶ କରିଛନ୍ତି। ଉଭୟଙ୍କୁ ପ୍ରଦର୍ଶନକୁ ନେଇ ସୋସିଆଲ ମିଡିଆରେ ଭଳିକି ଭଳି ମେମେ କରାଯାଉଥିବା ବେଳେ ସେମାନଙ୍କୁ ଟ୍ରୋଲ ମଧ୍ୟ କରାଯାଉଛି। ସେଥିରୁ ଜଣେ ବ୍ୟବହାରକାରୀ ଏକ ପୋଷ୍ଟରେ ଟ୍ୟାଗ୍ କରି ପଞ୍ଜାବର ଅଧିନାୟକ ଥିବା କେ.ଏଲ୍. ରାହୁଲ କେତେ ନିରାଶ ହୋଇଥିବେ ତାହା କହିଥିଲେ। ଏହାର ଜବାବ ଦେଇ ମ୍ୟାକ୍ସଙ୍କ ସହ ପୋଷ୍ଟ ଶେୟାର କରିଥିଲେ। ପରେ ମାକ୍ସ ପ୍ରତିଉତ୍ତରରେ ବ୍ୟାଟିଂ କରୁଥିବା ସମୟରେ ଉଇକେଟକିପର ଥିବା ରାହୁଲଙ୍କୁ କ୍ଷମା ମାଗିଥିବା କହିଛନ୍ତି। ତେବେ ଦୁର୍ବଳ ବୋଲିଂ ଯୋଗୁ ଟିମ୍ଇଣ୍ଡିଆକୁ ପରାସ୍ତ କରି ୩ ମ୍ୟାଚ୍ ବିଶିଷ୍ଟ ସିରିଜ୍ରେ ୧-୦ରେ ଅଗ୍ରଣୀ ଲାଭ କରିଛି।