ମୁମ୍ବାଇ, ୨୦।୪: ଆଇପିଏଲ୍ ୨୦୨୧ରେ ଏମଏସ ଧୋନୀଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ୍ସ ନିଜ ତୃତୀୟ ମ୍ୟାଚ୍ରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ଏହି ବିଜୟ ପରେ ଧୋନୀ ତାଙ୍କ ଫିଟନେସ ବିଷୟରେ କହିଥିଲେ। ଧୋନି ସ୍ବୀକାର କରିଛନ୍ତି ଯେ, ବଢୁଥିବା ବୟସ ସାଙ୍ଗକୁ ଫିଟନେସ ବଜାୟ ରଖିବା ସହଜ ନୁହେଁ। ବାର୍ଦ୍ଧକ୍ୟ ଏବଂ ଫିଟ ରହିବା ହେଉଛି ଦୁଇଟି କଷ୍ଟକର ଜିନିଷ। ଯେତେବେଳେ ତୁମେ ଖେଳୁଛ, ତୁମେ କେବେ ଚାହିଁବ ନାହଁି ଯେ, କେହି ତୁମକୁ ଅନ୍ଫିଟ୍ ବୋଲି କୁହନ୍ତୁ। ମୋତେ ଯୁବ ଖେଳାଳିଙ୍କ ସହ ତାଳ ବଜାୟ ରଖିବାକୁ ପଡିବ, ସେମାନେ ବହୁତ ଜୋର୍ ଦୌଡନ୍ତି କିନ୍ତୁ ଏହା ମୋ ପାଇଁ ସର୍ବଦା ଚ୍ୟାଲେଞ୍ଜ ଅଟେ ବୋଲି ଧୋନୀ କହିଛନ୍ତି। ଧୋନୀ ଏହି ମ୍ୟାଚ୍ରେ ୧୭ଟି ବଲ୍ ଖେଳି ୧୮ ରନ୍ରେ ଆଉଟ୍ ହୋଇଥିଲେ। ଧୋନୀ ୩ ମ୍ୟାଚ୍ ଖାସ୍ ସ୍କୋର କରିପାରି ନାହାନ୍ତି। ସୋସିଆଲ ମିଡିଆରେ ଧୋନୀଙ୍କ ବୟସକୁ ନେଇ ଟ୍ରୋଲ କରାଯାଇଛି। ସୂଚନାଯୋଗ୍ୟ, ଏହି ମ୍ୟାଚରେ ଚେନ୍ନାଇ ପ୍ରଥମ ଖେଳି ୯ ଉଇକେଟ ହରାଇ ୧୮୮ସ୍କୋର କରିଥିଲା। ଏହାର ଜବାବରେ ରାଜସ୍ଥାନର ଦଳ କେବଳ ୯ ଉଇକେଟ ହରାଇ ୧୪୩ ରନ କରିପାରିଥିଲା। ଏହି ବିଜୟ ସହ ଚେନ୍ନାଇ ଦଳ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ପହଞ୍ଚିଛି।