ନୂଆଦିଲ୍ଲୀ,୨୧।୮ : ଭାରତୀୟ ମହିଳା ଦଳର ଅଧିନାୟକ ହରମାନପ୍ରୀତ କୌର ବାଂଲାଦେଶ ଗସ୍ତର ଶେଷ ମ୍ୟାଚରେ ଅନେକ ବିବାଦ ସୃଷ୍ଟି କରିଥିଲେ। ଏହା ପରେ ଆଇସିସି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରି ଭାରତୀୟ ଅଧିନାୟିକାଙ୍କ ଉପରେ ବ୍ୟାନ ଲଗାିଥିଲେ। ବାରଣ କିନ୍ତୁ, ଏହା ପରେ ମଧ୍ୟ ହରମାନପ୍ରୀତ କୌରଙ୍କ ମନୋଭାବରେ କୌଣସି ପରିବର୍ତ୍ତନ ହୋଇନାହିଁ। ରବିବାର ଦ ହଣ୍ଡ୍ରେଡ ସମୟରେ ସେ ସ୍ପଷ୍ଟ କରିଛନ୍ତି ବାଂଲାଦେଶରେ ସେ ଯାହା କରିଛନ୍ତି ସେଥିପାଇଁ ତାଙ୍କର କୌଣସି ପଶ୍ଚାତାପ ନାହିଁ।
ହରମାନପ୍ରୀତ କୌର ବର୍ତ୍ତମାନ ଦ ହଣ୍ଡ୍ରେଡ ଟ୍ରେଣ୍ଟ ରୋକେଟସ ପାଇଁ ଖେଳୁଛନ୍ତି। ରବିବାର ଟୁର୍ନାମେଣ୍ଟ ସମୟରେ ସେ ବାଂଲାଦେଶ ଗସ୍ତରେ ଖେଳାଯାଇଥିବା ତୃତୀୟ ଟି-୨୦ ମ୍ୟାଚରେ ତାଙ୍କ ଆଚରଣ ବିଷୟରେ କହିଥିଲେ। ସେ କହିଛନ୍ତି, ମୁଁ କହିବି ନାହିଁ ମୁଁ କିଛି ଅନୁତାପ କରୁଛି କାରଣ ଜଣେ ଖେଳାଳି ଭାବରେ ସମସ୍ତେ ଦେଖିବାକୁ ଚାହାଁନ୍ତି ସଠିକ ଘଟଣା ଘଟୁଛି କି ନାହିଁ। ଜଣେ ଖେଳାଳୀ ଭାବରେ, ଜଣଙ୍କର ସର୍ବଦା ନିଜକୁ ପ୍ରକାଶ କରିବାର ଏବଂ ଯାହା ଅନୁଭବ କରୁଛନ୍ତି ତାହା କହିବାର ଅଧିକାର ଅଛି ।
ମୁଁ ଭାବୁନାହିଁ କୌଣସି ଖେଳାଳି କିମ୍ବା ବ୍ୟକ୍ତିଙ୍କୁ କିଛି ଭୁଲ କହିଛି। ପଡ଼ିଆରେ ଯାହା ଘଟିଲା ମୁଁ କେବଳ କହିଲି। ମୁଁ କିଛି ଅନୁତାପ କରେ ନାହିଁ ।
ବାଂଲାଦେଶ ବିପକ୍ଷ ତୃତୀୟ ଦିନିକିଆରେ ଅମ୍ପାୟାରଙ୍କ ଦ୍ୱାରା ଆଉଟ ଦିଆଯିବା ପରେ ହରମାନପ୍ରୀତ କୌର କ୍ରୋଧରେ ନିଜ ବ୍ୟାଟକୁ ୱିକେଟରେ ପିଟିଥିଲେ। ଏଥିସହ ମ୍ୟାଚ ଶେଷ ହେବା ପରେ ସେ ଅମ୍ପାୟାର ସ୍ତର ଉପରେ ମଧ୍ୟ ପ୍ରଶ୍ନ କରିଥିଲେ। ଏହା ପରେ ଟ୍ରଫି ନେବାବେଳେ ସେ ବାଂଲାଦେଶର ଅଧିନାୟକଙ୍କ ସହ ଖରାପ ବ୍ୟବହାର କରୁଥିବା ମଧ୍ୟ ଦେଖିବାକୁ ମିଳିଥିଲା।
ଏହି ପର୍ଯ୍ୟାୟ ପରେ, ହରମାନପ୍ରୀତ ଆଇସିସି ଆଚରଣ ସଂହିତାର ଧାରା ୨.୮ ଅନ୍ତର୍ଗତ ଦୋଷୀ ସାବ୍ୟସ୍ତ ହୋଇଥିଲେ। ତାଙ୍କୁ ୩ ଟି ଡିମେରିଟ ପଏଣ୍ଟ ଦିଆଯାଇଥିଲା ଏବଂ ଗୋଟିଏ ମ୍ୟାଚ ପାଇଁ ମଧ୍ୟ ବାରଣ କରାଯାଇଥିଲା। ଫଳସ୍ବରୂପ, ସେ ପ୍ରଥମ ମ୍ୟାଚ ଅର୍ଥାତ ଏସିଆନ ଗେମ୍ସ ୨୦୨୩ରେ କ୍ୱାର୍ଟର ଫାଇନାଲ ମ୍ୟାଚରେ ଟିମ ଇଣ୍ଡିଆକୁ ଅଧିନାୟକ କରି ପାରିବେ ନାହିଁ ।