ମୁମ୍ବାଇ: ନିକଟରେ ରିଲିଜ୍ ହୋଇଥିବା ଫିଲ୍ମ ‘ଭୁଲ୍ ଭୁଲେୟା-୩’ ପାଇଁ ବଲିଉଡ୍ ଅଭିନେତା କାର୍ତ୍ତିକ ଆର୍ୟନ ଆଜିକାଲି ଚର୍ଚ୍ଚାରେ ରହିଛନ୍ତି। ଏହି ଦୀପାବଳି ଅର୍ଥାତ୍ ନଭେମ୍ବର ୧ରେ ‘ଭୁଲ୍ ଭୁଲେୟା-୩’ ରିଲିଜ୍ ହୋଇଛି। ଏହି ସମୟରେ କାର୍ତ୍ତିକ ତାଙ୍କ ପ୍ରେମସମ୍ପର୍କ ବିଷୟରେ କଥାବାର୍ତ୍ତା କରି କହିଛନ୍ତି ଯେ, ଆଜିଟାଏ ପ୍ରକୃତ ପ୍ରେମ ବା ସଚ୍ଚା ପ୍ରେମ ମିଳିନାହିଁ। ବୋଧେ ଏହାକୁ ପାଇବାରେ ମୋ’ ଭାଗ୍ୟ ଖରାପ।
କାର୍ତ୍ତିକଙ୍କ ନାଁ ସହିତ ଅନେକ ବଲିଉଡ୍ ଅଭିନେତ୍ରୀଙ୍କ ନାଁ ଯୋଡ଼ା ଯାଇଛି। ଏହି ତାଲିକାରେ କ୍ରୀତି ସାନନ, ଅନନ୍ୟା ପାଣ୍ଡେ ଏବଂ ସାରା ଅଲି ଖାନ୍ଙ୍କ ନାମ ମଧ୍ୟ ରହିଛି। ତେବେ କାର୍ତ୍ତିକ କହିଛନ୍ତି ମୁଁ ସିଙ୍ଗଲ ଏବଂ ମୋତେ ପ୍ରକୃତ ପ୍ରେମ କେବେ ମିଳିନି।
ଏକ ସାକ୍ଷାତକାରରେ ସେ କହିଛନ୍ତି, ‘ବୋଧହୁଏ ଭବିଷ୍ୟତରେ ମୁଁ ଏହା ପାଇପାରେ। ମୁଁ ଏତେ ଭାଗ୍ୟବାନ ହୋଇ ନାହିଁ। ପ୍ରେମକୁ ନେଇ କାର୍ତ୍ତିକ ଏପରି କହିବା ପ୍ରଥମଥର ନୁହେଁ। ସେ ପୂର୍ବରୁ ମଧ୍ୟ ଏକ ସାକ୍ଷାତକାରରେ ଏହା କହିଥିଲେ ଯେ, ମୁଁ କାହାକୁ ଡେଟ୍ କରୁନାହିଁ।
ସେ ଆହୁରି ମଧ୍ୟ କହିଛନ୍ତି, କାମ ପାଇଁ ତୁମେ ବହୁତ କମ୍ ଲୋକଙ୍କୁ ସମୟ ଦିଅ। ବହୁତ ରୋଜଗାର କରିପାରିବେ ଏବଂ ପ୍ରସିଦ୍ଧ ହୋଇପାରିବେ। କିନ୍ତୁ ଗୋଟିଏ କଥା ନିଶ୍ଚିତ ଯେ, ଆପଣ ପ୍ରେମ କିଣି ପାରିବେ ନାହିଁ। ମୁଁ କାହା ସହିତ ଡେଟ୍ କରୁନାହିଁ। ମୋତେ ଏକ ରୋମାଣ୍ଟିକ୍ ହିରୋ ମଧ୍ୟ କୁହାଯାଏ, କିନ୍ତୁ ମୁଁ ପ୍ରେମରେ ଭାଗ୍ୟଶାଳୀ ନୁହେଁ, ତେଣୁ ମୁଁ ଅନୁମାନ କରେ ଯେବେ ବି ମୋତେ ସଠିକ୍ ସାଥୀ ଖୋଜିବାକୁ ପଡ଼ିବ।
କାର୍ତ୍ତିକଙ୍କ ଅଭିନୀତ ଫିଲ୍ମ ‘ଭୁଲ୍ ଭୁଲେୟା-୩’ ଅଜୟ ଦେବଗନଙ୍କ ସିଂଘମ ଏଗେନ୍ ପ୍ରେକ୍ଷାଳୟରେ ମୁକ୍ତିଲାଭ କରିଛି। ଏହି ଫିଲ୍ମ ବକ୍ସ ଅଫିସରେ ୩୫.୫୦ କୋଟି ଟଙ୍କା ଆୟ କରିଛି।
