ଚଣ୍ଡିଗଡ଼,୧୦।୯ : ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା ଦୁଇଥର ହୋଇଥିବା ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ କଂଗ୍ରେସ ସଂସଦୀୟ ଦଳର ସଭାପତି ସୋନିଆ ଗାନ୍ଧୀଙ୍କ ସହ ସାକ୍ଷାତ ହେବାର ଗୁଜବକୁ ଭିତ୍ତିହୀନ ବୋଲି କହିଛନ୍ତି। ସୋସିଆଲ ମିଡିଆରେ ପ୍ରସାରିତ ଦାବିଗୁଡ଼ିକର କୌଣସି ଆଧାର ନାହିଁ ବୋଲି ସେ କହିଛନ୍ତି।
କ୍ୟାପଟେନ ଅମରିନ୍ଦର ସିଂ ଭାରତୀୟ ଜନତା ପାର୍ଟି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଏବଂ ଦଳର ଅଧ୍ୟକ୍ଷ ଜେ.ପି.ନଡ୍ଡାଙ୍କ ପ୍ରତି ତାଙ୍କର ଅଦମ୍ୟ ପ୍ରତିବଦ୍ଧତାକୁ ପୁନଃପ୍ରମାଣିତ କରି କହିଛନ୍ତି ନିଷ୍ପତ୍ତି ନିଆଯିବା ପରେ ଏହାକୁ ପରିବର୍ତ୍ତନ କରାଯାଇପାରିବ ନାହିଁ। ମୁଁ ସୋନିଆଙ୍କୁ ଭେଟିନି, ଏସବୁ ଗୁଜବ ବୋଲି ସେ କହିଛନ୍ତି।
ଅମରିନ୍ଦର ସିଂ ଏକ ବର୍ଷ ପୂର୍ବେ କଂଗ୍ରେସରୁ ଅଲଗା ହୋଇଥିଲେ ଏବଂ ପରେ ନିଜ ଦଳ ପଞ୍ଜାବ ଲୋକ କଂଗ୍ରେସ (ପିଏଲସି) ପ୍ରତିଷ୍ଠା କରିଥିଲେ, ଯାହା ପରେ ଭାଜପା ସହ ମିଶିଥିଲା। ତାଙ୍କ ପିଏଲସି ୨୦୨୨ ପଞ୍ଜାବ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲା, କିନ୍ତୁ ରାଜ୍ୟରେ କୌଣସି ଆସନ ଜିତି ନ ଥିଲା।