ମୁମ୍ବାଇ: ଟେଲିଭିଜନ ଇଣ୍ଡଷ୍ଟ୍ରିର ଜଣେ ଆଗଧାଡିର ଅଭିନେତ୍ରୀ ରଶ୍ମୀ ଦେଶାଇ, ଏହି ଅଭିନେତ୍ରୀଙ୍କୁ ଦୀର୍ଘ ଦିନ ଧରି କୌଣସି ପ୍ରୋଜେକ୍ଟରେ ଦେଖିବାକୁ ମିଳି ନଥିଲା।ଯେଉଁଥିପାଇଁ ପ୍ରଶଂସକମାନେ ଦୀର୍ଘ ସମୟ ଧରି ତାଙ୍କୁ ଅପେକ୍ଷା କରି ରହିଥିଲେ। ବର୍ତ୍ତମାନ ଅଭିନେତ୍ରୀ ଜଣାଇଛନ୍ତି ଯେ ସେ ବଲିଉଡରେ ପ୍ରବେଶ କରିବାର ଏକ ଉପାୟ ଖୋଜିବାକୁ ଚେଷ୍ଟା କରୁଛନ୍ତି ଏବଂ ଏହା ମଧ୍ୟ କହିଛନ୍ତି ଯେ ସେ ତାଙ୍କ ପ୍ରୋଜେକ୍ଟକୁ ନେଇ ବହୁତ ଚୁଜି। ଅଭିନେତ୍ରୀ ଆହୁରି ମଧ୍ୟ କହିଛନ୍ତି, ମୁଁ କିଛି ପ୍ରୋଜେକ୍ଟ ପାଇଁ ସୁଟିଂ କରିଛି, ଯାହା ଚଳିତ ବର୍ଷ ମୁକ୍ତିଲାଭ କରିବ। ଏହା ସତ୍ୟ ଯେ ମୁଁ ଅଧିକ କିଛି କରୁନାହିଁ ଏବଂ ପ୍ରୋଜେକ୍ଟ ଦୃଷ୍ଟିରୁ ମୁଁ ସିଲେକ୍ଟିଭ।
ଏହା ପଛରେ ଥିବା ଚିନ୍ତାଧାରା ବିଷୟରେ ୩୭ବର୍ଷିୟା ଅଭିନେତ୍ରୀ କହିଛନ୍ତି, ଜଣେ କଳାକାର ଭାବରେ ମୁଁ ଅଧିକ ଜାଣିବାକୁ ଚାହେଁ ଏବଂ ଦର୍ଶକଙ୍କ ସହ ମୋର ସମ୍ପର୍କ ପ୍ରତି ଏହା ମୋର ପ୍ରତିବଦ୍ଧତା ଏବଂ ଏଥିପାଇଁ ମୋତେ ଧୌର୍ଯ୍ୟଧରିବାକୁ ପଡିବ। ସବୁକିଛି ରାତାରାତି ମୋ ଦିଗରେ ଗତି କରିବ ନାହିଁ । ସବୁକିଛି ନିଜ ଗତିରେ ଘଟେ ଏବଂ ତାହା ହେଉଛି ଏହାର ସୌନ୍ଦର୍ଯ୍ୟ। ଯେହେତୁ ମୁଁ ମୋର ଅଭିନୟ କ୍ୟାରିଅର ଆରମ୍ଭ କରିଥିଲି, ମୁଁ କେବଳ ଶିଖିଛି ଯେ ଯଦି ଆପଣ କିଛି ଭଲ ଚାହୁଁଛନ୍ତି, ତେବେ ଏହା ସମୟ ନେଇଥାଏ।