ନୂଆଦିଲ୍ଲୀ,୩୧।୭: ବିଶ୍ୱ କ୍ରିକେଟରେ ଏମିତି ଏକ ସମୟ ଥିଲା ଯେତେବେଳେ ୪ ଜଣ ଅଲରାଉଣ୍ଡରଙ୍କୁ ନେଇ ବେଶ୍ ଚର୍ଚ୍ଚା ହେଉଥିଲା। ସେମାନେ ହେଲେ ଇଂଲଣ୍ଡର ଇଆନ ବୋଥାମ, ନ୍ୟୁଜିଲାଣ୍ଡର ରିଚାର୍ଡ ହାର୍ଡଲି, ପାକିସ୍ତାନର ଇମ୍ରାନ ଖାନ୍ ଓ ଭାରତର କପିଳ ଦେବ। ଏହି ଜଣ ଅଲରାଉଣ୍ଡର ସେତେବେଳେ ବିଶ୍ୱ କ୍ରିକେଟରେ ପ୍ରଭାବ ବିସ୍ତାର କରିଥିଲେ। ସମେସ୍ତ ବ୍ୟାକ୍ତିଗତ ଭାବେ ବେଶ୍ ସଫଳ ହେବା ସହ ନିଜ ପାଇଁ କୀର୍ତ୍ତିମାନ ସ୍ଥାପନ କରିଥିଲେ। ଏମାନଙ୍କ ମଧ୍ୟରେ ତୁଳନା ମଧ୍ୟ କରାଯାଉଥିଲା। ଭାରତୀୟ ବିଶ୍ୱକପ୍ ବିଜୟୀ ଅଧିନାୟକ କପିଲ ଦେବ ଏବେ ଏକ ଭିନ୍ନ ପ୍ରକାର ମନ୍ତବ୍ୟ ଦେଇଛନ୍ତି। ବାକି ୩ଜଣ ଅଲରାଉଣ୍ଡରଙ୍କ ତୁଳନାରେ ସେ ଅପେକ୍ଷାକୃତ ଭଲ ଆଥଲେଟ ଥିଲେ ବୋଲି କପିଳ କହିଛନ୍ତି। ପରିସଂଖ୍ୟାନ ଓ ପ୍ରଦର୍ଶନ ଦୃଷ୍ଟିକୋଣରୁ କପିଳ ଏମାନଙ୍କଠାରୁ ଯଥେଷ୍ଟ ଆଗରେ ଥିଲେ। ୧୯୭୦ରୁ ୮୦ ମଧ୍ୟରେ ଏମାନଙ୍କର ପ୍ରଦର୍ଶନ ଉଚ୍ଚକୋଟୀର ରହିଥିଲା। ବାକି ୩ ଅଲରାଉଣ୍ଡରଙ୍କୁ କପିଳ ବହୁତ ପ୍ରଶଂସା କରିଥିଲେ। ଜଣେ ଶ୍ରେଷ୍ଠ ଆଥଲେଟ ନ ଥିଲେ ମଧ୍ୟ ଏହି ୩ଜଣଙ୍କଠାରୁ ଭଲ ଥିଲି ବୋଲି ସେ କହିଛନ୍ତି। ହାଡଲି ଶ୍ରେଷ୍ଠ ବୋଲର ଥିଲେ ଓ ଇମ୍ରାନ ଖୁବ୍ ପରିଶ୍ରମୀ ଥିଲେ ବୋଲି ସେ କହିଛନ୍ତି।
