ଭୁବନେଶ୍ୱର,୧୨।୧୦(ବ୍ୟୁରୋ):ବାଲେଶ୍ୱର ସଦର ଓ ତିର୍ତ୍ତୋଲ ଉପନିର୍ବାଚନ ପାଇଁ ସୋମବାର ପ୍ରାର୍ଥୀ ଘୋଷଣା କରିଛି ବିଜେଡି। ତିର୍ତ୍ତୋଲ ପାଇଁ ଦଳ ଦିବଂଗତ ବିଧାୟକ ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ଦାସଙ୍କୁ ପ୍ରାର୍ଥୀ କରିଥିବାବେଳେ ବାଲେଶ୍ବର ସଦର ପାଇଁ ସ୍ବରୂପ ଦାସଙ୍କୁ ପ୍ରାର୍ଥୀ କରିଛି। ତେବେ ବାଲେଶ୍ୱର ସଦରରୁ ସ୍ବରୂପ କୁମାର ଦାସ ବାଲେଶ୍ୱର ବିଜେଡି ପାଇଁ ନୂଆ ଚେହେରା ଭାବେ ଉଭା ହୋଇଛନ୍ତି। ବିଧାୟକ ପ୍ରାର୍ଥୀ ହେବା ପରେ ସ୍ବରୂପ କହିଛନ୍ତି ମୁଁ ଆଦୌ ରେସ୍ରେ ନ ଥିଲି। ବସି ଖାଉଥିବାବେଳେ ମୋତେ ଫୋନ୍ ଆସିଥିଲା। ଦଳ ଡାଟା ନେଇ ସମସ୍ତ ରଣକୌଶଳରେ ଲଢେ। ସେମିତି ଡାଟା ନେଇ ଯୋଜନା ପ୍ରସ୍ତୁତ କରିଥିବେ ବୋଲି ସେ କହିଛନ୍ତି। ଗତ ରବିବାର ଭାଜପା ପ୍ରାର୍ଥୀ ଘୋଷଣା କରିଥିଲା। ଭାଜପା ପକ୍ଷରୁ ବାଲେଶ୍ୱର ସଦରର ପ୍ରାର୍ଥୀ ମାନସ କୁମାର ଦତ୍ତ ହୋଇଥିବାବେଳେ ତିର୍ତ୍ତୋଲ ପାଇଁ ରାଜକିଶୋର ବେହେରାଙ୍କୁ ପ୍ରାର୍ଥୀ ହୋଇଛନ୍ତି। ସୂଚନାଯୋଗ୍ୟ, ନଭେମ୍ବର ୩ରେ ଭୋଟ ଗ୍ରହଣ ହେବ। ନଭେମ୍ବର ୧୦ରେ ଫଳ ପ୍ରକାଶ ପାଇବ।
