ମୁଁ ଶିକ୍ଷା ବିଭାଗରେ ଘୁରି ବୁଲୁଛି ଆପଣଙ୍କର ଖୋଜ ଖବର ନାହିଁ: ଶିକ୍ଷାମନ୍ତ୍ରୀଙ୍କୁ ନୀତୀଶଙ୍କ ଫୋନ…

ପାଟନା,୨୬।୯ : ମଙ୍ଗଳବାର ମୁଖ୍ୟମନ୍ତ୍ରୀ ନୀତୀଶ କୁମାର ହଠାତ ମୁଖ୍ୟ ସଚିବାଳୟ ପରିବର୍ତ୍ତେ ବିକାଶ ଭବନରେ ପହଞ୍ଚି ଶିକ୍ଷା ବିଭାଗର ହାଲଚାଲ ବୁଝିଥିଲେ। ଏହା ସେଠାରେ ଉପସ୍ଥିତ ଥିବା ଅଧିକାରୀଙ୍କ ଠାରୁ ଆରମ୍ଭ କରି କର୍ମଚାରୀଙ୍କ ପର୍ଯ୍ୟନ୍ତ ସମସ୍ତଙ୍କ ମଧ୍ୟରେ ଆଲୋଡ଼ନ ସୃଷ୍ଟି କରିଥିଲା ।

ବାସ୍ତବରେ, ବିହାରରେ ଆଜିକାଲି ଶିକ୍ଷା ବିଭାଗ ଖବର ଶିରୋନାମାରେ ଅଛି। ଏହାର ଦୁଇଟି କାରଣ ରହିଛି। ପ୍ରଥମଟି ହେଉଛି ଶିକ୍ଷା ମନ୍ତ୍ରୀ ପ୍ରଫେସର ଚନ୍ଦ୍ରଶେଖର ଏବଂ ବିଭାଗର ଅତିରିକ୍ତ ମୁଖ୍ୟ ସଚିବ କେ.କେ ପାଠକଙ୍କ ମଧ୍ୟରେ ମୁହାଁମୁହିଁ ସ୍ଥିତି। ଦ୍ୱିତୀୟରେ ହେଉଛି ବିହାରରେ ବିଦ୍ୟାଳୟର ସ୍ଥିତି ସୁଧାରିବା ପାଇଁ ଅତିରିକ୍ତ ମୁଖ୍ୟ ଶାସନ ସଚିବ କେ.କେ ପାଠକଙ୍କ ଦ୍ୱାରାଗୋଟିଏ ପରେ ଗୋଟିଏ ନିଷ୍ପତ୍ତି ନିଆଯାଉଛି।

ମୁଖ୍ୟମନ୍ତ୍ରୀଙ୍କ ପରିଦର୍ଶନ ସମୟରେ ଶିକ୍ଷା ମନ୍ତ୍ରୀ ପ୍ରଫେସର ଚନ୍ଦ୍ରଶେଖର ଅନୁପସ୍ଥିତ ଥିବା ଦେଖିବାକୁ ମିଳିଥିଲା। ଏହା ପରେ ସିଏମ ଶିକ୍ଷା ମନ୍ତ୍ରୀଙ୍କୁ ଫୋନ କରି କହିଲେ ମୁଁ ଶିକ୍ଷା ବିଭାଗରେ ଘୁରି ବୁଲୁଛି ଏବଂ ଆପଣ ବାହାରେ। ଆପଣଙ୍କର ଖୋଜ ଖବର ନାହିଁ।

ଶିକ୍ଷା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ କେ.କେ ପାଠକ ମଧ୍ୟ ନଥିଲେ। ଏହା ପରେ ସିଏମ ନୀତୀଶ କୁମାର ସ୍ବାସ୍ଥ୍ୟ ବିଭାଗରେ ପହଞ୍ଚି ସେଠାରେ ଯାଞ୍ଚ କରିଥିଲେ ମଧ୍ୟ ସେ ବିଭାଗର ଅତିରିକ୍ତ ମୁଖ୍ୟ ସଚିବଙ୍କ ଦେଖା ପାଇ ନ ଥିଲେ।

ଏହା ପରେ ସେ ଶିଳ୍ପ ବିଭାଗକୁ ଯାଇ ସେଠାରେ ଶିଳ୍ପ ବିଭାଗର ଅତିରିକ୍ତ ମୁଖ୍ୟ ସଚିବଙ୍କୁ ଭେଟିଥିଲେ। ମୁଖ୍ୟମନ୍ତ୍ରୀ ନୀତୀଶ କୁମାର କହିଥିଲେ କେବଳ ଏହି ବିଭାଗରେ ଅଧିକାରୀମାନଙ୍କ ଦେଖା ଠିକ ସମୟରେ ହୋଇଛି।

ମୁଖ୍ୟମନ୍ତ୍ରୀ ନିର୍ମାଣ ମନ୍ତ୍ରୀ ଅଶୋକ ଚୌଧୁରୀଙ୍କ ଅଫିସରେ ପୂର୍ବାହ୍ନ ପ୍ରାୟ ୧୦ ଟା ସମୟରେ ପହଞ୍ଚିଥିଲେ। ସେତେବେଳେ ଅଶୋକ ଚୌଧୁରୀ ସେଠାରେ ଅନୁପସ୍ଥିତ ଥିଲେ। ସିଏମ ପହଞ୍ଚିବାର ଦୁଇ ମିନିଟ ପରେ ମନ୍ତ୍ରୀ ପହଞ୍ଚିବା ପରେ ନୀତୀଶ କହିଥିଲେ ଆଜି ଆପଣ ଅନୁପସ୍ଥିତ ବୋଲି ବିବେଚନା କରାଯାଇଛି।