କୋଲକାତା,୧୧।୩: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟର ଜନସାଧାରଣଙ୍କ ଉଦ୍ଦେଶ୍ୟରେ ହସ୍ପିଟାଲରୁ ଏକ ଭିଡ଼ିଓ ଜାରି କରିଛନ୍ତି। ଏଥିରେ ମମତା କହିଛନ୍ତି ଯେ, ସେ ହ୍ବିଲ୍ଚେୟାରରେ ପ୍ରଚାର କରିବେ। କିନ୍ତୁ ବିରୋଧୀଙ୍କୁ ଭୟ କରିବେ ନାହିଁ। କାଲି ହୋଇଥିବା ଆକ୍ରମଣରେ ତାଙ୍କର ଗୋଡ଼ରେ ବଡ଼ ଆଘାତ ଲାଗିଛି। ତେବେ କିଛି ଦିନ ମଧ୍ୟରେ ସେ ବାହାରକୁ ଆସିବେ ଏବଂ ପ୍ରଚାର କାର୍ଯ୍ୟରେ ଯୋଗଦେବେ। ଏହା ସହିତ ଶାନ୍ତି ଶୃଙ୍ଖଳା ବଜାୟ ରଖିବାକୁ ସେ ରାଜ୍ୟବାସୀଙ୍କୁ ଅପିଲ୍ କରିଛନ୍ତି। ଏବେ ମମତାଙ୍କର ୧ ମିନିଟ୍ ୨୯ ସେକେଣ୍ଡର ଏହି ଭିଡ଼ିଓ ଭାଇରାଲ ହେବାରେ ଲାଗିଛି। ଇତିମଧ୍ୟରେ ଏସ୍ଏସ୍କେଏମ୍ ହସ୍ପିଟାଲ ପକ୍ଷରୁ ମମତାଙ୍କ ସ୍ବାସ୍ଥ୍ୟ ବୁଲେଟିନ୍ ମଧ୍ୟ ଜାରି କରାଯାଇଛି। ତାଙ୍କ ବାମ ଗୋଡରେ ଆଘାତ ଲାଗିଛି। ଆଘାତ ଲାଗିଥିବା ସ୍ଥାନର ଏମ୍ଆର୍ଆଇ କରାଯାଇଥିବା ବୁଲେଟିନ୍ରେ ଉଲ୍ଲେଖ କରାଯାଇଛି।
