ପ୍ୟୋଙ୍ଗୟାଙ୍ଗ,୨୧।୧୨ : ଉତ୍ତର କୋରିଆ ନେତା କିମ ଜୋଙ୍ଗ ଉନ କହିଛନ୍ତି ମତେ ବେଶି ବିରକ୍ତ କରନ୍ତି। ମୁଁ ରାଗିଗଲେ ଆଣବିକ ବୋମା ପକାଇ ଦେବି। କିମ୍ଙ୍କ ଏଭଳି ମନ୍ତବ୍ୟ ସମଗ୍ର ବିଶ୍ୱକୁ ଚକିତ କରିଛି। ଗୁରୁବାର ଏକ ଗଣମାଧ୍ୟମ ରିପୋର୍ଟରେ ଏହି ସୂଚନା ସାମ୍ନାକୁ ଆସିଛି। ଉତ୍ତର କୋରିଆର ନେତା କହିଛନ୍ତି ଯଦି କୌଣସି ଶତ୍ରୁ ପରମାଣୁ ଅସ୍ତ୍ରରେ ବ୍ୟବହାର କରିବାକୁ ଚେତାବନୀ ଦିଅନ୍ତି ତେବେ ଉତ୍ତର କୋରିଆ ଆଣବିକ ଆକ୍ରମଣ କରିବାକୁ ଦ୍ୱିଧା କରିବ ନାହିଁ।
ନିକଟରେ ଏକ ଆନ୍ତଃମହାଦେଶୀୟ ବାଲାଷ୍ଟିକ କ୍ଷେପଣାସ୍ତ୍ର ଉତକ୍ଷେପଣକୁ ନେଇ କିମ ସୈନ୍ୟଙ୍କୁ ଭେଟି ବୈଠକରେ ଏହା କହିଛନ୍ତି।
କ୍ଷେପଣାସ୍ତ୍ର ଉତକ୍ଷେପଣରେ ଉତ୍ତର କୋରିଆ କଠିନ ଇନ୍ଧନ ଆନ୍ତଃମହାଦେଶୀୟ ବାଲାଷ୍ଟିକ କ୍ଷେପଣାସ୍ତ୍ର (ଆଇସିବିଏମ) ବ୍ୟବହାର କରିଛି। ଏହାର ଲଞ୍ଚକୁ ନେଇ ଜାପାନ ଉଦବେଗ ପ୍ରକାଶ କରିଥିଲା।
କୁହାଯାଉଛି ଆମେରିକା ଏବଂ ଦକ୍ଷିଣ କୋରିଆ ଏକତ୍ର ଆଣବିକ ଯୋଜନା ପ୍ରସ୍ତୁତ କରୁଥିବା ଦୃଷ୍ଟିରୁ ଉତ୍ତର କୋରିଆ ଏହି ଲଞ୍ଚ ମାଧ୍ୟମରେ ଶକ୍ତି ପ୍ରଦର୍ଶନ କରୁଛି। ନିକଟରେ ଆମେରିକା ଏବଂ ଦକ୍ଷିଣ କୋରିଆର ସୈନିକମାନେ ମିଳିତ ସମରାଭ୍ୟାସରେ ଭାଗ ନେଇଥିଲେ।
ଆମେରିକା, ଦକ୍ଷିଣ କୋରିଆ ଏବଂ ଜାପାନର ବରିଷ୍ଠ କୂଟନୀତିଜ୍ଞମାନେ ଉତ୍ତର କୋରିଆର ବାଲିଷ୍ଟିକ କ୍ଷେପଣାସ୍ତ୍ର ଉତକ୍ଷେପଣକୁ ନିନ୍ଦା କରିଛନ୍ତି ଏବଂ ଉତ୍ତର କୋରିଆକୁ ବିନା ସର୍ତ୍ତରେ ଆଲୋଚନା କରିବାକୁ ଅନୁରୋଧ କରିଛନ୍ତି।
ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ କହିଛନ୍ତି ମୁକାବିଲା ଲାଗି ଆମେରିକା, ଜାପାନ ଏବଂ ଦକ୍ଷିଣ କୋରିଆ ଏକତ୍ରିତ ହୋଇ ଠିଆ ହୋଇଛନ୍ତି।