ଚପଳ ଶିଶୁ। ସେମାନଙ୍କର ମନ ସର୍ବଦା ଖେଳିବା, ବୁଲିବାରେ ବ୍ୟସ୍ତ। କିନ୍ତୁ ଆଜିର ପିଲାମାନେ ଟିଭି, ମୋବାଇଲ ଦେଖି ଏତେ ବଡ଼ ବଡ଼ କଥା ଶିଖୁଛନ୍ତି, ସେମାନଙ୍କ କଥା ଶୁଣି ବଡ଼ମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଉଛନ୍ତି। ସୋସିଆଲ ମିଡିଆରେ ଏହିପରି ଏକ ଶିଶୁର ଭିଡିଓ ଭାଇରାଲ ହେଉଛି। ଯେଉଁଠି ପାଠପଢ଼ାରେ ଅସନ୍ତୋଷ ପ୍ରକାଶ କରି ନିଜ ମା’ଙ୍କୁ କିଛି କହୁଛି। ଯାହା ଶୁଣି ମା’ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି।
ଭିଡିଓରେ, ପାଠପଢ଼ାରେ ଅସୁବିଧାରେ ପଡ଼ିଥିବା ଶିଶୁଟି ମା’ଙ୍କ ସହ ଘର କିମ୍ବା ବିଦ୍ୟାଳୟ ନୁହେଁ ପୂରା ଦୁନିଆ ଛାଡ଼ିବା ବିଷୟରେ କଥାବାର୍ତ୍ତା କରୁଛି। ପିଲାଟି ଏପରି ଜ୍ଞାନ କେଉଁଠୁ ଶିଖିଲା, ତାହା ଜଣା ନାହିଁ, କିନ୍ତୁ ଏ ଚପଳ ବୟସରେ ତା’ ପାଟିରୁ ଏପରି କଥା ଶୁଣିବା ଯେତିକି ହାସ୍ୟାସ୍ପଦ ସେତିକି ଅଜବ ମଧ୍ୟ।
ଭାଇରାଲ ଭିଡିଓରେ ପିଲାଟି ମା’ଙ୍କ ସହିତ ବସି ପାଠ ପଢୁଛି। ମଝିରେ ମଝିରେ ମା’ଙ୍କ ସହ କଥା ହେବା ବନ୍ଦ କରିଦେଉଛି। ତା’ ଚେହେରା ଦେଖିଲେ ଲାଗୁଛି ପିଲାଟିର ମନ ଆଦୌ ପାଠପଢ଼ା ପ୍ରତି ନାହିଁ। ସେ କହୁଛି, ‘ମା’ ମୁଁ ବ୍ୟସ୍ତ ମୋତେ କାହିଁକି ଏହି ଦୁନିଆକୁ ଅଣାଯାଇଛି? ମୁଁ ଏହି ଦୁନିଆ ଛାଡ଼ି ଚାଲିଯିବି। ମା’ ମଧ୍ୟ ତାଙ୍କୁ ପଚାରୁଛନ୍ତି, ତୁମେ କାହିଁକି ଛାଡ଼ିବ? ତେଣୁ ପିଲାଟି କହୁଛି, ମୁଁ ଏହି ଦୁନିଆରେ କିଛି ଅନୁଭବ କରେ ନାହିଁ। ତା’ପରେ ମାଆ ପଚାରିଛନ୍ତି କାହିଁକି, ସେ କହୁଛି ତୁମେ ଭଲ ନୁହଁ। ମୋତେ ପଢ଼ିବାକୁ ଭଲ ଲାଗୁନି।
ଭିଡିଓଟି ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ୟୁଜରମାନେ ପିଲାଟିର କଥା ଶୁଣି ଆଶ୍ଚର୍ଯ୍ୟ ହୋଇଯାଉଛନ୍ତି। ଏତେ ଛୋଟ ପିଲା ମୁଣ୍ଡରେ ଏମିତି ବୁଦ୍ଧି କେଉଁଠୁ ଆସିଲା। ଭିଡିଓଟି daiviksharma28 ନାମକ ଏକ ଇନ୍ଷ୍ଟାଗ୍ରାମ ପେଜ୍ରେ ଶେୟାର କରାଯାଇଛି। ଏହାକୁ ୪.୬ ମିଲିୟନରୁ ଅଧିକ ଅର୍ଥାତ୍ ୪୬ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୪ ଲକ୍ଷ ଲୋକ ଏହାକୁ ପସନ୍ଦ କରିଛନ୍ତି। ୟୁଜରମାନେ କହିଛନ୍ତି, ପାଠପଢ଼ା ତାକୁ ବହୁତ କଷ୍ଟ। ଏଥିପ୍ରତି ତା’ର ଆଦୌ ଆଗ୍ରହ ନାହିଁ। ଯେଉଁଥିପାଇଁ ଶିଶୁଟି ଏପରି କହିଛି।