ମୁମ୍ବାଇ,୧୩।୪: ଆଇପିଏଲ୍ ଇତିହାସରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ(ଆରସିବି) ଦଳ ଥରେ ବି ଟାଇଟଲ ଜିତିପାରି ନାହିଁ। ଆଇପିଏଲ ୨୦୨୨ର ପ୍ରାରମ୍ଭରେ ଆରସିବିର ଭଲ ପ୍ରଦର୍ଶନ ରହିଛି। ପ୍ରଶଂସକ ଆଶା ରଖିଛନ୍ତି ଚଳିତବର୍ଷ ଦଳ ଚାମ୍ପିଅନ୍ ହେବ। ଚଳିତ ଆଇପିଏଲ୍ର ୨୨ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)କୁ ଭେଟିଥିଲା ଆରସିବି। ଏହି ମ୍ୟାଚରେ ଆରସିବିକୁ ୨୩ ରନ୍ରେ ପରାସ୍ତ କରିଛି ସିଏସ୍କେ। ତେବେ ମ୍ୟାଚ୍ ଚାଲିଥିବା ସମୟରେ ଜଣେ ମହିଳା ପ୍ରଶଂସକ ପୋଷ୍ଟର ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏବଂ ଆରସିବି (ଆରସିବି) ମ୍ୟାଚରେ ଜଣେ ମହିଳା ପ୍ରଶଂସକ ଏକ ପୋଷ୍ଟର ସହିତ ଷ୍ଟାଡିୟମରେ ପହଞ୍ଚିଥିଲେ। ପୋଷ୍ଟରରେ ଲେଖାଥିଲା ଯେ ଆରସିବି ଆଇପିଏଲ ଟ୍ରଫି ନ ଜିତିବା ପର୍ଯ୍ୟନ୍ତ ମୁଁ ବିବାହ କରିବି ନାହିଁ। ଏହି ମହିଳା ପ୍ରଶଂସକଙ୍କ ପୋଷ୍ଟର ମ୍ୟାଚ ସମୟରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ଏବେ ଏହାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।
ଆଇପିଏଲ ୨୦୨୨ରେ, ଆରସିବି ଦଳ ଚାରୋଟି ମ୍ୟାଚ ଖେଳି ତିନୋଟି ଜିତିଛି। ଏଥର ଆରସିବି ଦଳର ଦାୟିତ୍ୱ ଦକ୍ଷିଣ ଆଫ୍ରିକାର ତାରକା ବ୍ୟାଟ୍ସମ୍ୟାନ ଫାଫ ଡୁ ପ୍ଲେସିସ୍ଙ୍କ ହାତରେ ରହିଛି। ଆରସିବିର ବ୍ୟାଟିଂ ବହୁତ ଶକ୍ତିଶାଳୀ ଦେଖାଯାଉଛି। ସୁପରଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲି, ଗ୍ଲେନ ମ୍ୟାକ୍ସୱେଲ ଏବଂ ଦୀନେଶ କାର୍ତ୍ତିକ ଅଛନ୍ତି।