ନୂଆଦିଲ୍ଲୀ,୧।୫: ଭାରତୀୟ କୁସ୍ତି ମହାସଂଘରର ସଭାପତି ବ୍ରିଜ୍ ଭୂଷଣ ଶରଣ ସିଂଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ରେସଲରମାନେ ଦୀର୍ଘ ଏକ ସପ୍ତାହ ଧରି ଧାରଣାରେ ବସିଛନ୍ତି। ତେବେ ସେମାନଙ୍କୁ ସମର୍ଥନ ଦେବା ପାଇଁ ବହୁ ବଡ ବଡ ନେତା ଧାରଣାସ୍ଥଳରେ ପହଞ୍ଚିଛନ୍ତି। ତେବେ ସୋମବାର କଂଗ୍ରେସ ନେତା ତଥା ପୂର୍ବତ୍ତନ କ୍ରିକେଟର ନବଜୋତ ସିଂ ସିଦ୍ଧୁ ଟୁଇଟ୍ କରି ଧାରଣାରେ ସାମିଲ୍ ହେବେ ବୋଲି କହିଥିଲେ।
ସିଦ୍ଧୁ ଧାରଣା ସ୍ଥଳରେ ପହଞ୍ଚି ତଦନ୍ତ ଶୀଘ୍ର ହେବା ପାଇଁ ଦାବି କରିଛନ୍ତି। ସେ କହିଛନ୍ତି ଯେ, ଯଦି ନ୍ୟାୟ ପାଇବାରେ ବିଳମ୍ବ ହୁଏ ତେବେ ସେ ଜୀବନ ବାଜିରେ ଲଗାଇ ଦେବେ। ବ୍ରିଜ ଭୂଷଣ ସିଂଙ୍କ ଇସ୍ତଫା ଦାବି କରି ସେ କହିଛନ୍ତି, ଯଦି ଆପଣ ପ୍ରକୃତ ସତ୍ୟ ପାଖକୁ ପହଞ୍ଚିବାକୁ ଚାହୁଁଛନ୍ତି, ତେବେ ତାଙ୍କୁ କଷ୍ଟଡିକୁ ନେଇ ଯାଞ୍ଚ କରନ୍ତୁ। କେବଳ ମାମଲା ରୁଜୁ କରିଲେ ସତ ବାହାରକୁ ଆସିପାରିବ ନାହିଁ। କଣ ଆଇନ୍ ସମାଜରେ ଉଚ୍ଚ ନୀଚ୍ଚ ଲୋକଙ୍କ ପାଇଁ ଅଲଗା ଅଲଗା ମାନଦଣ୍ଡ ରଖୁଛି କି? ସର୍ବପ୍ରଥମେ ବ୍ରିଜ୍ ଭୂଷଣ ଇସ୍ତଫା ଦେବା ଉଚିତ୍।
