ନୂଆଦିଲ୍ଲୀ,୩୦/୧୦: ଭାରତୀୟ ବାୟୁସେନା(ଏଆଇଏଫ) ଚାଇନା ଏବଂ ପାକିସ୍ତାନକୁ ଲାଗିଥିବା ସୀମାରେ ତିନି ଶକ୍ତିଶାଳୀ ଏସ-୪୦୦ ଏୟାର ଡିଫେନ୍ସ ମିଶାଇଲ ସିଷ୍ଟମ ମୁତୟନ କରିବା ଆରମ୍ଭ କରିଛି। ଏଭଳି ସ୍ଥିତିରେ ଭାରତ ଏବଂ ଋଷ ଅଧିକାରି ଶେଷ ଦୁଇଟି ମିସାଇଲ ସିଷ୍ଟମ ର ଫାଇନାଲ ଡେଲିଭରି ଉପରେ ଚର୍ଚ୍ଚା କରିବା ପାଇଁ ଖୁବଶୀଘ୍ର ବୈଠକ କରି ପାରନ୍ତି।
ଭାରତ ୨୦୧୮-୧୯ ମସିହାରେ ଋଷ ଠାରୁ ପାଞ୍ଚ ଏସ-୪୦୦ ମିଶାଇଲ ସିଷ୍ଟମ କିଣିବାକୁ ୩୫,୦୦୦ କୋଟି ଟଙ୍କାର ଚୁକ୍ତି କରିଥିଲା। ଯେଉଁଥିରୁ ତିନୋଟି ଭାରତକୁ ପୂର୍ଵରୁ ହସ୍ତାନ୍ତର ହୋଇ ସାରିଛି। କିନ୍ତୁ ୟୁକ୍ରେନ ଏବଂ ଋଷ ଯୁଦ୍ଧ କାରଣରୁ ଶେଷ ଦୁଇଟି ଡେଲିଭରି ହେବାରେ ବିଳମ୍ବ ହେଉଛି।
ରକ୍ଷା ବିଭାଗର ସୂତ୍ର ମିଳିଥିବା ସୂଚନା ଅନୁଯାୟୀ ଗୁରୁତ୍ୱପୂର୍ଣ୍ଣ ସ୍ଥାନରେ ପୂର୍ବରୁ ତିନୋଟି ସିଷ୍ଟମ ମୁତୟନ ହୋଇ ସାରିଛି। ଏଗୁଡିକର ମଧ୍ୟରୁ ଗୋଟିଏ ଉଭୟ ଚାଇନା ଏବଂ ପାକିସ୍ତାନ ପାଇଁ ମୁତୟନ ହୋଇଥିବା ବେଳେ ଅନ୍ୟ ଦୁଇଟି ଅଲଗା ଅଲଗା ଭାବରେ ଚାଇନା ଏବଂ ପାକିସ୍ତାନ ପାଇଁ ମୁତୟନ ହୋଇଛନ୍ତି।
ଅବଶିଷ୍ଟ ଦୁଇଟି ମିଶାଇଲ ସିଷ୍ଟମର ଶେଷ ହସ୍ତାନ୍ତର କାର୍ୟ୍ୟସୂଚୀ ଉପରେ ଆଲୋଚନା କରିବାକୁ ଋଷ ଏବଂ ଭାରତୀୟ ଅଧିକାରୀମାନେ ଶୀଘ୍ର ପୁନର୍ବାର ସାକ୍ଷାତ କରିବେ ବୋଲି ସୂତ୍ରରୁ ପ୍ରକାଶ। ଅନ୍ତିମ ବିତରଣ ସମୟସୀମା ବିଷୟରେ ଋଷ ପକ୍ଷ ସ୍ପଷ୍ଟ ନୁହେଁ କାରଣ ସେମାନେ ମଧ୍ୟ ୟୁକ୍ରେନ ସହିତ ବିବାଦରେ ବ୍ୟସ୍ତ ଅଛନ୍ତି।
