ନୂଆଦିଲ୍ଲୀ,୭।୭: ଭାରତ-ଚାଇନା ସୀମା ବିବାଦ ବେଳକୁ ବେଳ ଖରାପ ହେବାରେ ଲାଗିଥିବା ବେଳେ ଆଗାମୀ ଦିନରେ ଏହା ଯୁଦ୍ଧର ରୂପ ନେଇପାରେ ବୋଲି ଅନୁମାନ କରାଯାଉଛି। ଏଥିପାଇଁ ଭାରତୀୟ ସେନା ମଧ୍ୟ ସବୁ ଦୃଷ୍ଟିରୁ ନିଜକୁ ପ୍ରସ୍ତୁତ କରି ରଖିଲାଣି। ସୋମବାର ଚାଇନା ତା’ର ତମ୍ବୁକୁ ପଛକୁ ଘୁଞ୍ଚାଇ ନେଇଥିବା ବେଳେ ରାତିରେ କିନ୍ତୁ ଭାରତ-ଚାଇନା ସୀମାରେ ଭାରତୀୟ ବାୟୁସେନାର ହେଲିକପ୍ଟର ଆପାଚେ ଘୁରି ବୁଲିଥିବା ଦେଖାଯାଇଥିଲା। ବିଳମ୍ବିତ ରାତିରେ ସୀମାରେ ବାୟୁସେନାର ଯୁଦ୍ଧ ବିମାନ ଚିନୁକ ମଧ୍ୟ ଚାଇନା ଉପରେ କଡା ନଜର ରଖିଥିବା ଦେଖାଯାଇଥିଲା। ସୀମାର ଫରଓ୍ବାର୍ଡ ପୋଷ୍ଟରେ ଆପାଚେ ହେଲିକପ୍ଟର ନଜର ରଖିଥିବା ବେଳେ ଭାରତୀୟ ବାୟୁସେନା ପକ୍ଷରୁ ଲଗାତାର ଅଭାସ ଜାରି ରହିଥିବା ସୂଚନା ମିଳିଛି। କେବଳ ଆପୋଚେ ନୁହେଁ ଏହା ବ୍ୟତୀତ ମିଗ୍-୨୯ ସମେତ ଆଉ କିଛି ଯୁଦ୍ଧ ବିମାନ ମଧ୍ୟ ଏହା ପୂର୍ବରୁ ଏଠାରେ ଉଡୁଥିବା ଦେଖାଯାଇଥିଲା।
