ପୁଣେ ,୧୮।୭: ଆଇଏଏସ ଟ୍ରେନିଂ ଅଧିକାରୀ ପୂଜା ଖେଡକରଙ୍କ ମା’ ମନୋରାମା ଖେଡକରଙ୍କୁ ବେଆଇନ ବନ୍ଧୁକ ଥିବା ଅଭିଯୋଗରେ ପୁଣେ ପୋଲିସ ଗିରଫ କରାଯାଇଛି। ନିକଟରେ ମନୋରାମାଙ୍କ ଏକ ଭିଡିଓ ଭାଇରାଲ ହୋଇଛି। ଭିଡିଓରେ ପୁଣେ ଜିଲାର ମୁଲସି ଗ୍ରାମରେ ଜମି ବିବାଦକୁ ନେଇ ସ୍ଥାନୀୟ ଚାଷୀଙ୍କ ସହ ମୁହାଁମୁହିଁ ହୋଇଥିବା ବେଳେ ସେ ପିସ୍ତଲ ହଲାଉଥିବାର ଦେଖାଯାଇଛି।
ଚାଷୀଙ୍କୁ ଧମକ ଦେବା ପରେ ପୂଜା ଖେଡକରଙ୍କ ମା’ଙ୍କ ଆଉ ଏକ ଭିଡିଓ ସାମ୍ନାକୁ ଆସିଛି। ପୁଣେରେ ମେଟ୍ରୋ ରେଳ ନିର୍ମାଣ ଶ୍ରମିକଙ୍କ ସହ ପୂଜା ଖେଡକରଙ୍କ ମା’ଙ୍କ ଯୁକ୍ତିତର୍କ ହୋଇଥିବା ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। କିଛି ଦିନ ପୂର୍ବରୁ ଖେଡକରଙ୍କ ମା’ଙ୍କ ଆଉ ଏକ ଭିଡିଓ ଭାଇରାଲ ହୋଇଥିଲା। ଏଥିରେ ସେ ପିସ୍ତଲ ସାହାଯ୍ୟରେ ଲୋକଙ୍କୁ ଧମକ ଦେଉଥିଲେ। ଭିଡିଓରେ ଖେଡକରଙ୍କ ମାତା ମନୋରାମା ମେଟ୍ରୋ ରେଳ ନିର୍ମାଣ ଶ୍ରମିକଙ୍କ ସହ ଯୁକ୍ତିତର୍କ କରୁଥିବା ଦେଖିବାକୁ ମିଳିଛି। ଏଠାରେ କିଛି ପୋଲିସ କର୍ମଚାରୀ ମଧ୍ୟ ଉପସ୍ଥିତ ଅଛନ୍ତି।
ୱାଶିମ ଜିଲ୍ଲାରେ ପୋଷ୍ଟ ହୋଇଥିବା ୨୦୨୩ ବ୍ୟାଚ ଅଧିକାରୀ ପୂଜା ଖେଡକର (୩୪), କେନ୍ଦ୍ର ଜନସେବା ଆୟୋଗ (ୟୁପିଏସ୍ସି) ପରୀକ୍ଷାରେ ମନୋନୀତ ହେବା ପାଇଁ ଜାଲିଆତି କରିଥିବା ଅଭିଯୋଗର ସମ୍ମୁଖୀନ ହୋଇଛନ୍ତି। ସେ ନିଜକୁ ଶାରୀରିକ ଅକ୍ଷମ ଏବଂ ଅନ୍ୟ ପଛୁଆ ଶ୍ରେଣୀ (ଓବିସି) ସମ୍ପ୍ରଦାୟର ବୋଲି ବର୍ଣ୍ଣନା କରିଥିଲେ। ପୁଣେରେ ପୋଷ୍ଟ କରିବା ସମୟରେ ଖେଡକର ମଧ୍ୟ ଅଧିକାରର ଅପବ୍ୟବହାର କରିଥିବା ଅଭିଯୋଗ ହୋଇଛି।