ନୂଆଦିଲ୍ଲୀ,୧୫ା୧୧: ଆସନ୍ତା ବର୍ଷ ପାକିସ୍ତାନ ଦ୍ୱାରା ଚାମ୍ପିଅନ୍ସ ଟ୍ରଫି ଆୟୋଜିତ ହେବ। ଏହା ପୂର୍ବରୁ ପ୍ରଚାର,ପ୍ରସାର ବା ସହର ପରିକ୍ରମା କରିବା ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ପାକିସ୍ତାନକୁ ଟୁର୍ନାମେଣ୍ଟ ଟ୍ରଫି ପଠାଇଛି। ଏହି ଟ୍ରଫି ଗୁରୁବାର (୧୪ ନଭେମ୍ବର) ଇସଲାମାବାଦରେ ପହଞ୍ଚିଛି। କିନ୍ତୁ ସେପଟେ ପାକିସ୍ତାନକୁ ଏକ ବଡ଼ ଝଟକା ଲାଗିଛି। ପାକିସ୍ତାନ ଏବେ ଏହି ଟ୍ରଫିକୁ ପାକିସ୍ତାନ ଅଧିକୃତ କାଶ୍ମୀର (ପୋକ୍) କୁ ପଠାଇ ପାରିବେ ନାହିଁ।
ପାକିସ୍ତାନ ସରକାର ଯୋଜନା କରିଥିଲେ ଯେ ଟ୍ରଫି ୧୬ ରୁ ୨୪ ନଭେମ୍ବର ମଧ୍ୟରେ ପାକିସ୍ତାନରେ ପରିକ୍ରମା କରିବ। ଏହାକୁ ବିଶ୍ୱର ସର୍ବୋଚ୍ଚ ପର୍ବତ ଶିଖର କେ୨ କୁ ମଧ୍ୟ ନିଆଯିବ। ଏହାକୁ ପାକିସ୍ତାନର ଅଧିକୃତ କାଶ୍ମୀର (ପିଓକେ), ସ୍କାର୍ଡୁ, ମୁରି ଏବଂ ମୁଜାଫରବାଦର ତିନୋଟି ସହରକୁ ନେବାକୁ ମଧ୍ୟ ନିଷ୍ପତ୍ତି ହୋଇଥିଲା। ବିସିସିଆଇ’ର ଆପତ୍ତି ପରେ ଆଇସିସି ଏହାକୁ ଗ୍ରହଣ କରିଛି। ଏଥିସହ ପାକିସ୍ତାନକୁ ନିର୍ଦ୍ଦେଶ ଦିଆଯାଇଛି ଯେ ଏହି ଟ୍ରଫି ଆଉ ପିଓକେ’କୁ ଯିବ ନାହିଁ।
ପାକିସ୍ତାନ ସରକାର ଏହି ଟ୍ରଫିକୁ ନିଜ ଦେଶରେ ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ନୂଆ ସ୍ଥାନକୁ ନେବାକୁ ଯୋଜନା କରିଥିଲେ। ଏହା ଅଧୀନରେ ଟ୍ରଫି ବିଶ୍ୱର ଦ୍ୱିତୀୟ ସର୍ବୋଚ୍ଚ ପର୍ବତ ଶିଖର କେ୨ କୁ ମଧ୍ୟ ନିଆଯିବ।
