ଦୁବାଇ,୨୧।୧: ଆସନ୍ତା ବର୍ଷ ୨୦୨୨ରେ ଅଷ୍ଟ୍ରେଲିଆରେ ଖେଳାଯିବାକୁ ଥିବା ଟି୨୦ ବିଶ୍ୱକପ୍ର କାର୍ଯ୍ୟସୂଚୀ ଶୁକ୍ରବାର ପ୍ରକାଶ ପାଇଛି। ମେନ ଇନ୍ ବ୍ଲ୍ୟୁ ଟୁର୍ନାମେଣ୍ଟର ପ୍ରଥମ ମ୍ୟାଚ୍ରେ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ। ଏହି ମ୍ୟାଚ୍ ଅକ୍ଟୋବର ୨୩ ତାରିଖରେ ମେଲବୋର୍ନ କ୍ରିକେଟ ଗ୍ରାଉଣ୍ଡ (ଏମ୍ସିଜି) ଖେଳାଯିବ। ଉଲ୍ଲେଖଯୋଗ୍ୟ, ୨୦୨୧ ଟି୨୦ ବିଶ୍ୱକପ୍ରେ ମଧ୍ୟ ଟିମ୍ ଇଣ୍ଡିଆ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନ ବିପକ୍ଷ ମ୍ୟାଚରୁ ତା’ର ଅଭିଯାନ ଆରମ୍ଭ କରିଥିଲା।
ପୁରୁଷ ଟି୨୦ ବିଶ୍ୱକପ୍ ଅକ୍ଟୋବର ୧୬ରୁ ନଭେମ୍ବର ୧୩ ପର୍ଯ୍ୟନ୍ତ ଅଷ୍ଟ୍ରେଲିଆର ମେଲବୋର୍ନ, ସିଡ୍ନୀ, ବ୍ରିସବେନ, ଆଡିଲେଡ୍, ଗିଲଙ୍ଗ, ହୋବାର୍ଟ ଓ ପର୍ଥ ଆଦି ୭ ଭେନ୍ୟୁରେ ଖେଳାଯିବ। ମୋଟ ଉପରେ ଟୁର୍ନାମେଣ୍ଟରେ ୪୫ ମ୍ୟାଚ୍ ଖେଳାଯିବାର ଅଛି।