ଦୁବାଇ ୧୫ା୭ (ପି.ଟି.)-ଆଇସିସି ଟେଷ୍ଟ ପ୍ଲେୟର ର଼୍ୟାଙ୍କିଙ୍ଗ୍ରେ ଓ୍ବେଷ୍ଟଇଣ୍ଡିଜ ବୋଲର ଜାସନ ହୋଲ୍ଡର ତାଙ୍କ କ୍ୟାରିୟର ଶ୍ରେଷ୍ଠ ଦ୍ୱିତୀୟ ସ୍ଥାନ ଅଧିକାର କରିବା ସହ ସବୁଠାରୁ ଅଧିକ ରେଟିଂ ପଏଣ୍ଟ ଅର୍ଜନ କରିପାରିଛନ୍ତି। କର୍ଟନୀ ଓ୍ବାଲ୍ସଙ୍କ ପରେ ୨୦ ବର୍ଷ ମଧ୍ୟରେ ଓ୍ବେଷ୍ଟଇଣ୍ଡିଜର କୌଣସି ବୋଲର ଏହି ସଫଳତା ହାସଲ କରିପାରି ନାହାନ୍ତି। ନିକଟରେ ସାଉଥାମ୍ପଟନଠାରେ ଇଂଲଣ୍ଡ ବିପକ୍ଷ ବିଜୟ ମ୍ୟାଚରେ ସେ ତାଙ୍କ ଦଳର ନେତୃତ୍ୱ ନେଇଥିଲେ। ହୋଲଡର ମ୍ୟାଚରେ ମୋଟ ୭ଟି ଉଇକେଟ ଅକ୍ତିଆରେ କରିଥିଲେ। ପ୍ରଥମ ଇନିଂସରେ ସେ ୪୨ ରନ ବିନିମୟରେ ୬ଟି ଉଇକେଟ ଦଖଲ କରିଥିଲେ। ବର୍ତ୍ତମାନ ତାଙ୍କ କ୍ୟାରିୟର ଶ୍ରେଷ୍ଠ ର଼୍ୟାଙ୍କିଙ୍ଗ ପଏଣ୍ଟ ୮୬୨ରେ ପହଞ୍ଚତ୍ଛି। କର୍ଟନୀ ଓ୍ବାଲ୍ସ ୨୦୦୦ ଅଗଷ୍ଟରେ ୮୬୬ ରେଟିଂ ପଏଣ୍ଟ ଅର୍ଜନ କରିଥିଲେ। ଅନ୍ୟପକ୍ଷରେ କୋଭିଡ୍-୧୯ ମହାମାରୀ ଯୋଗୁ ମାର୍ଚ୍ଚ ମାସ ପରଠାରୁ ଭାରତୀୟ କ୍ରିକେଟରମାନେ ପଡ଼ିଆକୁ ଓହ୍ଲାଇ ନାହାନ୍ତି। ଭାରତର ଯେଉଁ ବ୍ୟାଟ୍ସମ୍ୟାନ ଓ ବୋଲରମାନେ ଟପ୍ ୧୦ରେ ରହିଥିଲେ, ସେମାନେ ସେମାନଙ୍କ ସ୍ଥାନ ବଜାୟ ରଖିଛନ୍ତି। ବ୍ୟାଟ୍ସମ୍ୟାନ ଷ୍ଟାଣ୍ଡିଂରେ ଅଧିନାୟକ ବିରାଟ କେହଲି ଷ୍ଟିଭ୍ ସ୍ମିଥଙ୍କ ପଛକୁ ଦ୍ୱିତୀୟ ସ୍ଥାନରେ ରହିଥିବାବେଳେ ଚେତେଶ୍ୱର ପୂଜାରା ଓ ଅଜିଙ୍କ୍ୟ ରାହାନେ ଯଥାକ୍ରମେ ୭ମ ଓ ୯ମ ସ୍ଥାନ ବଜାୟ ରଖିଛନ୍ତି। ଏକମାତ୍ର ବୋଲର ଭାବେ ଟପ୍୧୦ରେ ରହିଥିବା ଭାରତୀୟ ବୋଲର ଯଶପ୍ରୀତ ବୁମ୍ରା ୭ମ ସ୍ଥାନରେ ରହିଛନ୍ତି। ପ୍ରଥମ ଟେଷ୍ଟ ପରେ ହୋଲ୍ଡର ବ୍ୟାଟ୍ସମ୍ୟାନଙ୍କ ମଧ୍ୟରେ ୩୫ତମ ସ୍ଥାନ ବଜାୟ ରଖିଥିଲେ। ଅଲ୍ରାଉଣ୍ଡ ତାଲିକାରେ ସେ ଆହୁରି ମଧ୍ୟ ତାଙ୍କ କ୍ୟାରିୟର ଶ୍ରେଷ୍ଠ ୪୩୧ ପଏଣ୍ଟ ଅର୍ଜନ କରିବା ସହ ଶୀର୍ଷ ସ୍ଥାନ ଅଧିକାର କରିଛନ୍ତି।
