ଦୁବାଇ,୨୪।୧୨(ପି.ଟି.): ସଦ୍ୟ ପ୍ରକାଶିତ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ଟି୨୦ ର଼୍ୟାଙ୍କିଙ୍ଗ୍ରେ ଭାରତୀୟ ତାରକା ବ୍ୟାଟ୍ସମ୍ୟାନ ଲୋକେଶ ରାହୁଲ ତାଙ୍କର ତୃତୀୟ ସ୍ଥାନ ବଜାୟ ରଖିଛନ୍ତି। ସେହିପରି ଅଧିନାୟକ ବିରାଟ କୋହଲି ବ୍ୟାଟିଂ ତାଲିକାରେ ଗୋଟିଏ ସ୍ଥାନ ଉପରକୁ ଉଠି ସପ୍ତମ ସ୍ଥାନରେ ରହିଛନ୍ତି। ବ୍ୟାଟ୍ସମ୍ୟାନ, ବୋଲର ଓ ଅଲରାଉଣ୍ଡର ତାଲିକାର ରାହୁଲ ଓ କୋହଲିଙ୍କୁ ବାଦ୍ ଦେଲେ ଆଉ କୌଣସି ଭାରତୀୟ ଖେଳାଳି ଟପ୍-୧୦ରେ ସ୍ଥାନ ପାଇନାହାନ୍ତି।
ରାହୁଲ ୮୧୬ ପଏଣ୍ଟ ପାଇ ରାହୁଲ ଡଓ୍ବେିଡ୍ ମଲାନ (୯୧୫) ଓ ବାବର ଆଜମ (୮୨୦)ଙ୍କ ପଛରେ ରହିଛନ୍ତି। ସେହିପରି କୋହଲି ୬୯୭ ପଏଣ୍ଟ ପାଇଛନ୍ତି। ୩ଟି ଯାକ ଫର୍ମାଟ୍ରେ କୋହଲି ଟପ୍-୧୦ରେ ସ୍ଥାନ ପାଇଛନ୍ତି। କୋହଲି ଦିନିକିଆରେ ଶ୍ରେଷ୍ଠ ସ୍ଥାନରେ ଥିବା ବେଳେ ଟେଷ୍ଟ ଫର୍ମାଟ୍ରେ ଦ୍ୱିତୀୟ ସ୍ଥାନରେ ରହିଛନ୍ତି।
ନ୍ୟୁଜିଲାଣ୍ଡ ଓପନର ଟିମ୍ ସିଫର୍ଟ ଓ ଦ୍ରୁତ ବୋଲର ଟିମ୍ ସୌଦି କ୍ୟାରିୟରର ଶ୍ରେଷ୍ଠ ସ୍ଥାନ ହାସଲ କରିଛନ୍ତି। ପାକିସ୍ତାନ ବିପକ୍ଷ ଟି୨୦ ସିରିଜରେ ନ୍ୟୁଜିଲାଣ୍ଡକୁ ୨-୧ରେ ବିଜୟୀ କରାଇବାରେ ଏହି ଦୁଇ ଖେଳାଳି ମୁଖ୍ୟ ଭୂମିକା ଗ୍ରହଣ କରିଥିଲେ। ସିଫର୍ଟ ୨୪ଟି ସ୍ଥାନ ଉପରକୁ ଉଠି ନବମ ସ୍ଥାନରେ ରହିଛନ୍ତି। ସେହିପରି ସୌଦି ୧୩ରୁ ସପ୍ତମ ସ୍ଥାନକୁ ଉଠିଛନ୍ତି। ସୌଦି ୩ଟି ଫର୍ମାଟ୍ରେ ଟପ୍-୧୦ରେ ସ୍ଥାନିତ ହୋଇଛନ୍ତି। ସେହିପରି ବ୍ୟାଟିଂ ତାଲିକାରେ ନ୍ୟୁଜିଲାଣ୍ଡର ଡେଭନ କନ୍ଓ୍ବେ ୧୦ସ୍ଥାନ ଉପରକୁ ଉଠି ୬୨ତମ, ଗ୍ଲେନ୍ ଫିଲିପ୍ସ ୧୫ ସ୍ଥାନ ଉପରକୁ ଉଠି କ୍ୟାରିୟର ଶ୍ରେଷ୍ଠ ୭୨ତମ ସ୍ଥାନରେ ରହିଛନ୍ତି। ସେହିପରି ଦ୍ରୁତ ବୋଲର ସ୍କଟ କୁଗେଲେଜିନ ୧୩୪ତମ ସ୍ଥାନରୁ ୯୨ତମ ସ୍ଥାନକୁ ଉଠିଛନ୍ତି।
ପାକିସ୍ତାନର ମହମ୍ମଦ ହାଫିଜ୍ ସିରିଜର ଦମ୍ଦାର ପ୍ରଦର୍ଶନ କରି ୧୪ସ୍ଥାନ ଉପରକୁ ଉଠି ୩୩ତମ ସ୍ଥାନ ଅଧିକାର କରିଛନ୍ତି। ସେହିପରି ମହମ୍ମଦ ରିଜଓ୍ବାନ ୧୫୨ ସ୍ଥାନ ଉପରକୁ ଉଠି ୧୫୮ତମ ସ୍ଥାନରେ ରହିଛନ୍ତି। ବୋଲରମାନଙ୍କ ମଧ୍ୟରେ ଫହିମ ଆଶ୍ରଫ୍ ୨୨ ସ୍ଥାନ ଉପରକୁ ଉଠି ୧୩ତମ ସ୍ଥାନରେ ରହିଛନ୍ତି। ସେହିପରି ଶାହିନ ଆଫ୍ରିଦି ୧୧ସ୍ଥାନ ଉପରକୁ ଉଠି କ୍ୟାରିୟରର ଶ୍ରେଷ୍ଠ ୧୬ତମ ସ୍ଥାନରେ ରହିଛନ୍ତି। ହାରିଶ ରୌଫ୍ ୪୨ସ୍ଥାନ ଉପରକୁ ଉଠି ୬୭ତମ ସ୍ଥାନରେ ରହିଛନ୍ତି।
ଟି୨୦ ବୋଲର ଓ ଅଲରାଉଣ୍ଡର ର଼୍ୟାଙ୍କିଙ୍ଗ୍ରେ ଦୁଇ ଆଫଗାନିସ୍ତାନ ଖେଳାଳି ରସିଦ୍ ଖାଁ ଓ ମହମ୍ମଦ ନବି ଯଥାକ୍ରମେ ପ୍ରଥମ ଓ ଦ୍ୱିତୟ ସ୍ଥାନରେ ରହିଛନ୍ତି। ଆଇସିସି ପୁରୁଷ ଟି୨୦ ଦଳୟ ର଼୍ୟାଙ୍କିଙ୍ଗ୍ରେ ପାକିସ୍ତାନ ସିରିଜ ହାରି ୩ ପଏଣ୍ଟ ହରାଇଥିବା ବେଳେ ନ୍ୟୁଜିଲାଣ୍ଡ ୩ ପଏଣ୍ଟ ହାସଲ କରିଛି। ତେବେ ପୂର୍ବପରି ପାକିସ୍ତାନ ଓ ନ୍ୟୁଜିଲାଣ୍ଡ ଯଥାକ୍ରମେ ୪ର୍ଥ ଓ ଷଷ୍ଠ ସ୍ଥାନ ବଜାୟ ରଖିଛନ୍ତି। ଇଂଲଣ୍ଡ ୨୭୫ ରେଟିଂ ପଏଣ୍ଟ ପାଇ ୧ ନମ୍ବର ସ୍ଥାନରେ ରହିଥିବା ବେଳେ ଅଷ୍ଟ୍ରେଲିଆ ୨୭୨ ପଏଣ୍ଟ ପାଇ ୨ୟ ଓ ଭାରତ ୨୬୮ ପଏଣ୍ଟ ପାଇ ୩ୟ ସ୍ଥାନରେ ରହିଛି।