ନୂଆଦିଲ୍ଲୀ,୧୭।୩: ଆଇସିସି ବୁଧବାର ଏକଦିସବୀୟ ଏବଂ ଟି -୨୦ ମାନ୍ୟତା ପ୍ରକାଶ କରିଛି। ଖେଳର ଛୋଟର ଫର୍ମାଟରେ ବିରାଟ କୋହଲି ଟପ-୫ରେ ପ୍ରବେଶ କରିଛନ୍ତି। ଇଂଲଣ୍ଡ ବିପକ୍ଷ ସିରିଜରେ ସେ କ୍ରମାଗତ ଅର୍ଦ୍ଧଶତକ ବଳରେ ବିରାଟ ଏହି ସ୍ଥାନରେ ପହଞ୍ଚି ପାରିଛନ୍ତି। ସେହିପରି କିଙ୍ଗ କୋହଲି ଏକଦିବସୀୟ ର଼୍ୟାଙ୍କିଙ୍ଗରେ ପ୍ରାଧାନ୍ୟ ବିସ୍ତାର କରି ନଂ-୧ରେ ଅଛନ୍ତି। ରୋହିତ ଶର୍ମା ଦ୍ୱିତୀୟ ଶ୍ରେଷ୍ଠ ଏକଦିବସୀୟ ବ୍ୟାଟ୍ସମ୍ୟାନ। ଟପ -୭ ରେ କୌଣସି ପରିବର୍ତ୍ତନ ହୋଇନାହିଁ। ଶ୍ରୀଲଙ୍କା ବିପକ୍ଷରେ ଶେଷ ହୋଇଥିବା ଏକ ଦିନିକିଆ ସିରିଜରେ ସର୍ବାଧିକ ୨୫୮ରନ ସ୍କୋର କରିଥିବା ଓ୍ବେଷ୍ଟଇଣ୍ଡିଜ୍ ବ୍ୟାଟ୍ସମ୍ୟାନ ଶାଇ ହୋପ ଟପ -୧୦ ତାଲିକାରେ ସ୍ଥାନ ପାଇଛନ୍ତି।
ଗତ ଚାରି ଇନିଂସରେ ୦, ୦, ୧,୦ ସ୍କୋର କରିଥିବା କେ.ଏଲ ରାହୁଲ ଟି -୨୦ ର଼୍ୟାଙ୍କିଙ୍ଗରେ ତୃତୀୟରୁ ଚତୁର୍ଥ ସ୍ଥାନକୁ ଖସି ଆସିଛନ୍ତି। ଟି -୨୦ର ଟପ -୧୦ରେ ଦୁଇଜଣ ଭାରତୀୟ ବ୍ୟାଟ୍ସମ୍ୟାନ, ଦୁଇ ନ୍ୟୁଜିଲାଣ୍ଡ, ଦୁଇଜଣ ଅଷ୍ଟ୍ରେଲୀୟ ଅଛନ୍ତି। ସେହିପରି ଜଣେ ଇଂଲଣ୍ଡ, ପାକିସ୍ତାନୀ, ଦକ୍ଷିଣ ଆଫ୍ରିକୀୟ ଏବଂ ଆଫଗାନିସ୍ତାନ ବ୍ୟାଟ୍ସମ୍ୟାନ ମଧ୍ୟ ସ୍ଥାନ ପାଇଛନ୍ତି।