ନୂଆଦିଲ୍ଲୀ,୧୬।୩: ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ଟେଷ୍ଟ ସିରିଜ ପରେ ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍ ପ୍ରକାଶ କରିଛି। ଭାରତୀୟ ଦ୍ରୁତ ବୋଲର ଜଶପ୍ରୀତ ବୁମ୍ରା ବୋଲିଂରେ ୬ ପାହ୍ୟା ଉନ୍ନତି କରି ଷଷ୍ଠ ସ୍ଥାନରେ ପହଞ୍ଚିଛନ୍ତି। ଏଥିସହିତ ବିରାଟ କୋହଲି ଚାରିଟି ସ୍ଥାନ ହରାଇ ବ୍ୟାଟ୍ସମ୍ୟାନ ମାନ୍ୟତା ତାଲିକାର ନବମ ସ୍ଥାନକୁ ଖସି ଆସିଛନ୍ତି। ମୋହାଲିରେ ଟେଷ୍ଟରେ ୧୭୫ରନର ଐତିହାସିକ ଇନିଂସ ଖେଳିଥିବା ରବିନ୍ଦ୍ର ଜାଡେଜା ମଧ୍ୟ ଅଲରାଉଣ୍ଡର ମାନ୍ୟତାରେ ଦ୍ୱିତୀୟ ସ୍ଥାନକୁ ଖସିଆସିଛନ୍ତି। ବୁମରା ଅଷ୍ଟ୍ରେଲିଆର ଜୋଶ ହେଜେଲଉଡ ଏବଂ ଇଂଲଣ୍ଡର ଜେମ୍ସ ଆଣ୍ଡରସନଙ୍କ ବ୍ୟତୀତ ପାକିସ୍ତାନର ଶାହିନ ଆଫ୍ରିଦି, ନ୍ୟୁଜିଲାଣ୍ଡର କାଇଲ ଜେମିସନ, ଟିମ ସାଉଥୀ ଏବଂ ନିଲ ୱାର୍ଗନଙ୍କୁ ପଛରେ ପକାଇ ଦେଇଛନ୍ତି। ବେଙ୍ଗାଲୁରୁ ଟେଷ୍ଟରେ ଶ୍ରୀଲଙ୍କା ବିପକ୍ଷରେ ବୁମ୍ରା ୮ଟି ଉଇକେଟ ନେଇଥିଲେ।
