ଛତ୍ରପୁର,୨୦ା୭(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ସହର ଓ ବ୍ଲକ ଅଧୀନ ଗ୍ରାମାଞ୍ଚଳରେ କରୋନା ପରିସ୍ଥିତି ଅସମ୍ଭାଳ ହେବାରେ ଲାଗିଛି। ଜିଲା ହେଡକ୍ୱାର୍ଟରରେ ଦିନକୁ ଦିନ କରୋନା ପଜିଟିଭ୍ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଫଳରେ ପ୍ରଶାସନ ପାଇଁ ଏହା ଚିନ୍ତାର କାରଣ ପାଲଟିଛି। ଏଥିସହ ଛତ୍ରପୁରବାସୀ ଭୟରେ ଜୀବନ ବିତାଉଛନ୍ତି।
ସୋମବାର ପ୍ରଶାସନ ପକ୍ଷରୁ ଦିଆଯାଇଥିବା ତଥ୍ୟ ଅନୁସାରେ ଛତ୍ରପୁରରେ ୨୯ କରୋନା ପଜିଟିଭ୍ ଚି଼ହ୍ନଟ ହୋଇଛନ୍ତି। ସେଥିରେ ଜଣେ କରୋନା ଯୋଦ୍ଧା ଏବଂ ୨୮ ଜଣ ଆକ୍ଟିଭ କଣ୍ଟାକ୍ଟ ଅଛନ୍ତି। ଗତ ୩ ଦିନ ମଧ୍ୟରେ ଛତ୍ରପୁର ସହର ଓ ଗ୍ରାମାଞ୍ଚଳରେ ମୋଟ୍ ୮୭ ଜଣ ପଜିଟିଭ୍ ଚି଼ହ୍ନଟ ହୋଇଥିବାରୁ ପରିସ୍ଥିତି ଏକପ୍ରକାର ଅଣାୟତ୍ତ ଆଡକୁ ଗତି କରୁଥିବା ଜଣାଯାଇଛି। ଅପରପକ୍ଷରେ ଦୁଇଦିନ ହେଲା ଛତ୍ରପୁର ଏନ୍ଏସିରେ ଘର ଦୁଆରକୁ ଯାଇ ପରିବାର ସଦସ୍ୟଙ୍କ ଡାକ୍ତରୀ ଟିମ୍ ଦାରା ସ୍ବାସ୍ଥ୍ୟ ସ୍କ୍ରିନିଂ କରାଯାଉଛି।
