ବାଲିଗୁଡ଼ା,୮ା୧: କୁମ୍ବିଂବେଳେ ମାଓବାଦୀ କ୍ୟାମ୍ପ ସହ ଆଇଇଡି ଠାବ କରାଯାଇଛି ବୋଲି କନ୍ଧମାଳ ଏସ୍ପି ହରିଶ ବି.ସି ସୂଚନା ଦେଇଛନ୍ତି। ବାଲିଗୁଡ଼ା ଥାନା ମାରଦୁଲି ଜଙ୍ଗଲରେ କୁମ୍ବିଂ ଅପରେଶନ ଚାଲିଥିବାବେଳେ ସିଆରପିଏଫ ଏବଂ ଏସ୍ଓଜି ମାଓବାଦୀ କ୍ୟାମ୍ପ ସହ ଆଇଇଡି ଠାବ କରିଛନ୍ତି। ମାଓବାଦୀ କ୍ୟାମ୍ପରୁ ବହୁ ମାଓବାଦୀ ସାମଗ୍ରୀ ସହ ଦେଶୀ ବନ୍ଧୁକ ଜବତ କରାଯାଇଛି।
ବାଲିଗୁଡ଼ା ଥାନା ମାରଦୁଲି ଜଙ୍ଗଲରେ କେକେବିଏନ ସଂଗଠନର ୧୫ରୁ ଅଧିକ ସସସ୍ୟ ଲୁଚି ରହିଥିବା ସନ୍ଦେହ କରାଯାଉଛି। କନ୍ଧମାଳ ମାରଦୁଲି ଜଙ୍ଗଲରେ କୁମ୍ବିଂବେଳେ ଟଳିଗଲା ବିପଦ। ସିଆରପିଏଫ୍ ଏବଂ ଏସ୍ଓଜି କୁମ୍ବିଂ ଅପରେଶନ ଚଳାଇଥିବାବେଳେ ୨ଟି ଆଇଇଡିକୁ ବୋମା ନିଷ୍କ୍ରିୟକାରୀ ଟିମ୍ ନିଷ୍କ୍ରିୟ କରିଛନ୍ତି। ଫଳରେ ମାଓବାଦୀଙ୍କ ଆଇଇଡି ବିସ୍ଫୋରଣରୁ ଯବାନମାନେ ଅଳ୍ପକେ ବର୍ତ୍ତିଯାଇଛନ୍ତିି। ବର୍ତ୍ତମାନ ମଧ୍ୟ କୁମ୍ବିଂ ଅପରେଶନ ଜାରି ରହିଛି ବୋଲି କନ୍ଧମାଳ ଏସ୍ପି ହରିଶ ବି.ସି ପ୍ରକାଶ କରିଛନ୍ତି।