ଚଣ୍ଡିଗଡ଼,୧୨ ।୨: କଂଗ୍ରେସ ନେତା ରାହୁଲ ଗାନ୍ଧୀ ନିକଟରେ ବିଧାନସଭା ନିର୍ବାଚନକୁ ନେଇ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂଙ୍କୁ ମୁଖ୍ୟମନ୍ତ୍ରୀ ଚେହେରା ଘୋଷଣା କରିଛନ୍ତି । ଏହି ଘୋଷଣାର କିଛିଦିନ ପରେ ଏବେ ଦଳର ଏମ୍ପି ରବନୀତ ସିଂ ବିଟ୍ଟୁ ଦାବି କରିଛନ୍ତି କି ପଞ୍ଜାବରେ ଯଦି କଂଗ୍ରେସ ସରକାର ଗଠନ କରେ ତେବେ ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜୋତ ସିଂ ସିଦ୍ଧୁଙ୍କୁ ‘ସୁପର ସିଏମ୍’ ପଦ ମିଳିବ । କଂଗ୍ରେସ ନେତା କହିଛନ୍ତି ଆଗାମୀ ନିର୍ବାଚନ ଲାଗି ଚନ୍ନିଙ୍କୁ ମୁଖ୍ୟମନ୍ତ୍ରୀ ଚେହେରା ଘୋଷଣାକୁ ସିଦ୍ଧୁ ସ୍ୱାଗତ କରିଛନ୍ତି । ଏହାକୁ ନେଇ ସିଦ୍ଧୁ କୌଣସି ପ୍ରଶ୍ନ ବି ଉଠାଇ ନାହାନ୍ତି ।
ବିଟ୍ଟୁ ଆହୁରି ମଧ୍ୟ କହିଛନ୍ତି ପଞ୍ଜାବର ସାଧାରଣ ଜନତା ଚନ୍ନିଙ୍କ ବିଜୟକୁ ନେଇ ପ୍ରାର୍ଥନା କରୁଛନ୍ତି । ପଞ୍ଜାବର ସମସ୍ତ ଗରିବ ଗୁରୁଦ୍ୱାର ଓ ମନ୍ଦିରରେ ଚନ୍ନିଙ୍କ ପାଇଁ ପ୍ରାର୍ଥନା କରୁଛନ୍ତି । ଗରିବ କହୁଛନ୍ତି ଯଦି ଚନ୍ନି ସରକାର ପୁଣି ଶାସନ କ୍ଷମତା ପାଏ ତେବେ ଆମର ପିଲାମାନେ ପାଠ ପଢିପାରିବେ ଓ ମୁଖ୍ୟମନ୍ତ୍ରୀ ହେବାର ସ୍ୱପ୍ନ ଦେଖିପାରିବେ । ଲୋକେ ଚନ୍ନିଙ୍କୁ ନିର୍ବାଚନ ଦିନ ଉତ୍ସବ ଭଳି ଭୋଟ ଦେବେ, ଏହାକୁ ନେଇ ଏବେଠାରୁ ଭାରତୀୟ ଜନତା ପାର୍ଟି(ଭାଜପା) ଓ ଆମ ଆଦମୀ ପାର୍ଟି) ଡରି ଯାଇଛନ୍ତି ।