ଅଟାଓ୍ବା,୨୨।୯: ଭାରତ ଏବଂ କାନାଡା ମଧ୍ୟରେ କୂଟନୈତିକ ସମ୍ପର୍କ ବିଗିଡିବାରେ ଲାଗିଛି। ଉଭୟ ଦେଶର କୂଟନୈତିକଙ୍କୁ ବହିଷ୍କାର ଏବଂ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ଗୁରୁତର ଅଭିଯୋଗ ପରେ ଭାରତ କ୍ରମାଗତ ଭାବରେ କଠୋର ଆଭିମୁଖ୍ୟ ଗ୍ରହଣ କରୁଛି। ଏହାପୂର୍ବରୁ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ବାଣିଜ୍ୟ ବୈଠକ ବାତିଲ କରାଯାଇଥିଲା। ଏହା ପରେ ଭାରତ ମଧ୍ୟ କାନାଡା ନାଗରିକଙ୍କ ପାଇଁ ଭିସା ସେବା ଉପରେ ପ୍ରତିବନ୍ଧକ ଲଗାଇଛି।
କନଫେଡେରେସନ ଅଫ ଇଣ୍ଡିଆନ ଇଣ୍ଡଷ୍ଟ୍ରି ଦ୍ୱାରା ଚଳିତ ବର୍ଷ ମେ ମାସରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଭାରତୀୟ କମ୍ପାନୀଗୁଡିକ ୬.୬ ବିଲିୟନରୁ ଅଧିକ କାନାଡିୟ ଡଲାର ଅର୍ଥାତ କାନାଡାରେ ୪୦ହଜାର ୫୦୦କୋଟି ଟଙ୍କା ନିବେଶ କରିଛନ୍ତି। ଏହି ନିବେଶ ଦ୍ୱାରା କାନାଡାର ହଜାର ହଜାର ଲୋକଙ୍କୁ ଚାକିରି ମିଳିଛି। ଭାରତ କ୍ରମାଗତ ଭାବରେ କାନାଡାରେ ପୁଞ୍ଜି ବିନିଯୋଗ ବୃଦ୍ଧି କରୁଛି। ୩୦ଟି ଭାରତୀୟ କମ୍ପାନୀ କାନାଡାରେ ୬.୬ ବିଲିୟନ କାନାଡିୟ ଡଲାର ନିବେଶ କରିଛନ୍ତି। ଏନେଇ କାନାଡାର ୮ଟି ପ୍ରଦେଶରେ ୧୭ହଜାର ଲୋକ ନିଯୁକ୍ତି ପାଇଛନ୍ତି।