ନୂଆଦିଲ୍ଲୀ,୮।୧୧ : ବିଶ୍ୱକପ କ୍ରିକେଟ ୨୦୨୩ରେ ମଙ୍ଗଳବାର ଆଫଗାନିସ୍ତାନର ହୃଦୟ ଭାଙ୍ଗି ଯାଇଛି। ହାତକୁ ଆସିଥିବା ବିଜୟ ଗ୍ଲେନ ମ୍ୟାକ୍ସୱେଲଙ୍କ ଅପରାଜିତ ୨୦୧ ରନ ଦ୍ୱାରା ପରାଜୟରେ ପରିଣତ ହୋଇଛି। ଗ୍ଲେନ ମ୍ୟାକ୍ସୱେଲ ଆଫଗାନିସ୍ତାନର ଆଶାକୁ ଧୂଳିସାତ କରିଦେଇଛନ୍ତି।
ଗ୍ଲେନ ମ୍ୟାକ୍ସୱେଲ ସମଗ୍ର ମ୍ୟାଚର ଗତି ବଦଳାଇ ଆଫଗାନିସ୍ତାନ ଦଳର ଜିତିଥିବା ଖେଳକୁ ହରାଇ ଦେଇଥିଲେ।
ଅଷ୍ଟ୍ରେଲିଆକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିବା ପାଇଁ ଆଫଗାନିସ୍ତାନ ପାଖରେ ଏକ ବଡ଼ ସୁଯୋଗ ଥିଲା। ତଥାପି, ଏହା ସମ୍ଭବ ହୋଇ ପାରି ନ ଥିଲା। ତେବେ ବିଶ୍ୱକପ ୨୦୨୩ରେ ଆଫଗାନିସ୍ତାନର ଯାତ୍ରା ଏଠାରେ ଶେଷ ହୋଇନାହିଁ।
ଆଫଗାନିସ୍ତାନରେ ସେମିଫାଇନାଲରେ ପ୍ରବେଶ କରିବାର ସୁଯୋଗ ରହିଛି। ଆଫଗାନିସ୍ତାନ ଦଳ ଶ୍ରେଷ୍ଠ ୪ଟି ଦଳୂର ଶେଷ ସ୍ଥାନରେ ନିଜର ସ୍ଥାନ ଏବେ ମଧ୍ୟ ସୁରକ୍ଷିତ କରିପାରିବ ।
ଆଫଗାନିସ୍ତାନକୁ ଦକ୍ଷିଣ ଆଫ୍ରିକା ବିପକ୍ଷରେ ଅହମଦାବାଦରେ ଖେଳିବାକୁ ପଡିବ। ଆଫଗାନିସ୍ତାନକୁ ଏହି ମ୍ୟାଚକୁ ଏକ ବଡ଼ ବ୍ୟବଧାନରେ ଜିତିବାକୁ ହେବ। ଏହା ସହିତ ଆଫଗାନିସ୍ତାନକୁ ମଧ୍ୟ ସେମିଫାଇନାଲରେ ପ୍ରବେଶ କରିବା ଲାଗି ପାକିସ୍ତାନ ଏବଂ ନ୍ୟୁଜିଲାଣ୍ଡ ଉପରେ ନିର୍ଭର କରିବାକୁ ପଡିବ।
ଯଦି ନ୍ୟୁଜିଲାଣ୍ଡ ଏବଂ ପାକିସ୍ତାନ ନିଜର ଶେଷ ଲିଗ ମ୍ୟାଚ ହାରିଯାଆନ୍ତି ତେବେ ଆଫଗାନିସ୍ତାନ ଶ୍ରେଷ୍ଠ-୪ ପାଇଁ ଯୋଗ୍ୟତା ଅର୍ଜନ କରିବ। ନ୍ୟୁଜିଲାଣ୍ଡକୁ ଶ୍ରୀଲଙ୍କା ବିପକ୍ଷ ଶେଷ ମ୍ୟାଚ ଖେଳିବାକୁ ଥିବାବେଳେ ପାକିସ୍ତାନକୁ ଇଂଲଣ୍ଡ ବିପକ୍ଷରେ ଖେଳିବାକୁ ରହିଛି।