ଛତ୍ରପୁର,୬ା୩(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ଲକ୍ଷ୍ମଣଭବନଠାରେ ରାଜ୍ୟ ସଂଘର ଡାକରା କ୍ରମେ ଛତ୍ରପୁର ବ୍ଲକ ମିଳିତ ପ୍ରାଥମିକ ଶିକ୍ଷକ ମହାସଂଘର ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ସଂଘର ସଭାପତି କୃଷ୍ଣଚନ୍ଦ୍ର ଦାଶ ସଭାପତିତ୍ୱ କରିଥିବାବେଳେ ସଂଘର ସମ୍ପାଦକ ମନୋଜ ତ୍ରିପାଠୀ ସଭାର ଆଭିମୁଖ୍ୟ ବର୍ଣ୍ଣନା କରିଥିଲେ। ପ୍ରାଥମିକ ବିଦ୍ୟାଳୟରେ ଠିକା ନିଯୁକ୍ତି ଉଚ୍ଛେଦ ସହ ସେମାନଙ୍କୁ ତୁରନ୍ତ ନିୟମିତ କରିବା, ସମସ୍ତ ନୂତନ ଏନ୍ପିଏସ୍ ଶିକ୍ଷୟିତ୍ରୀଶିକ୍ଷକଙ୍କ ୬ ବର୍ଷର ଠିକା କର୍ଯ୍ୟକାଳକୁ ମୂଳ ଚାକିରିରେ ଗଣନା କରି ୬ଟି ଇନଷ୍ଟାଲ ଇନ୍କ୍ରିମେଣ୍ଟ ପ୍ରଦାନ ,କେନ୍ଦ୍ରୀୟ ହାରରେ ଦରମା ପ୍ରଦାନ, ପେନ୍ସନ୍ ପ୍ରଦାନ ଭଳି ଦାବି ରହିଛି । ପ୍ରାଥମିକ ଶିକ୍ଷକ ପ୍ରତି ରାଜ୍ୟ ସରକାରଙ୍କ ବୈମାତୃକ ମନୋଭାବକୁ ତୀବ୍ର ସମାଲୋଚନା କରିବା ସହ ଦାବି ପୂରଣ ନ ହେଲେ ଆସନ୍ତା ୧୫ ତାରିଖଠାରୁ ଗଞ୍ଜାମ ଜିଲାର ମିଳିତ ପ୍ରାଥମିକ ଶିକ୍ଷକ ମହାସଂଘ ଏବଂ କନିଷ୍ଠ ଶିକ୍ଷକ ସଂଘ ସାମୁହିକ ଛୁଟିରେ ଯିବା ପାଇଁ ନିଷ୍ପତ୍ତି ହୋଇଛି। ଏହି ବୈଠକରେ ଛତ୍ରପୁର ଏଲିମେଣ୍ଟାରୀ ଶିକ୍ଷକ ଲକ୍ଷ୍ମୀ ନାରାୟଣ ବେହେରା, ପଞ୍ଚାନନ ରଥ, ରବିନାରାୟଣ ବେହେରା, ସୁବୋଧ ରାଉତ, ସିଏଚ୍ କିରଣ କୁମାର, ଦିଲ୍ଲୀପ ପଲେଇ,ପୀତାମ୍ବର ବେହେରା,ମାଗୁଣି ଶତପଥୀ, ବିଭୂଦତ୍ତ ଶତପଥୀ, ଶିବଶଙ୍କର ଗୌଡ଼, ପ୍ରଦୀପ ପଲେଇ, ଲିଙ୍ଗରାଜ ସ୍ବାଇଁଙ୍କ ସମେତ ସମସ୍ତ କ୍ଲଷ୍ଟର କୋଅଡିନେଟର ଉପସ୍ଥିତ ଥିଲେ।