ଓ୍ବାଶିଂଟନ୍,୧୬।୮: ଆମେରିକାର ରାଷ୍ଟ୍ରପତି ନିର୍ବାଚନକୁ ଆଉ ମାତ୍ର କିଛି ମାସ ବାକି ଅଛି। ଦେଶରେ କରାଯାଇଥିବା ଅନେକ ସର୍ବେକ୍ଷଣରେ ଡେମୋକ୍ରାଟିକ୍ ପାର୍ଟି ପ୍ରାର୍ଥୀ କମଲା ହାରିସ ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପଙ୍କ ଉପରେ ଏକ ବଡ଼ ଅଗ୍ରଣୀ ଥିବା ଦର୍ଶାଯାଇଛି। ଆମେରିକୀୟ ଖବରକାଗଜ ଦାବି କରିଛି, ଯଦି ଆଜି ଆମେରିକାରେ ନିର୍ବାଚନ ହୁଏ, ତେବେ କମଲା ହାରିସଙ୍କ ବିଜୟର ସର୍ବାଧିକ ସମ୍ଭାବନା ରହିଛି।
ଆମେରିକାର ଖବରକାଗଜ ‘ୱାଶିଂଟନ ପୋଷ୍ଟ’ ଏହାର ମତଦାନ ମଡେଲର ଫଳାଫଳକୁ ଆଧାର କରି କହିଛି ଯେ, ରାଷ୍ଟ୍ରପତି ଜୋ ବାଇଡେନ ନିର୍ବାଚନ ଦୌଡ଼ରୁ ଓହରିଯିବା ଦିନ ତୁଳନାରେ କମଲା ହାରିସ ଜାତୀୟ ସ୍ତରରେ ତାଙ୍କର ସମର୍ଥନକୁ ଦୁଇ ପ୍ରତିଶତ ବୃଦ୍ଧି କରିଛନ୍ତି।
ଜୁନ ୨୧ଠାରୁ ହାରିସଙ୍କ ସମର୍ଥନ ୨.୧ ପ୍ରତିଶତ ବୃଦ୍ଧି ପାଇଛି ଏବଂ ସେ ୭ଟି ରାଜ୍ୟ ମଧ୍ୟରୁ ଦୁଇଟିରେ ଟ୍ରମ୍ପଙ୍କଠାରୁ ଆଗରେ ଅଛନ୍ତି।