ଜୈବ ବିବିଧତାରେ ବନ୍ୟପ୍ରାଣୀଙ୍କର ରହିଛି ଗୁରୁତ୍ୱପୂର୍ଣ୍ଣ ଭୂମିକା। ବନ୍ୟପ୍ରାଣୀ ବଞ୍ଚିଲେ ଜଙ୍ଗଲ ସୁରକ୍ଷିତ ରୁହେ। ଫଳରେ ପୃଥିବୀର ସବୁଜିମା ବଜାୟ ରହିଥାଏ। ଏହାଦ୍ୱାରା ପୃଥିବୀ ତିଷ୍ଠି ରହିବାର ଆଶା ବଢେ। ତେଣୁ ଏହି ପ୍ରାଣୀଙ୍କ ସୁରକ୍ଷା ଲାଗି ପ୍ରତିବର୍ଷ ସେପ୍ଟେମ୍ବର ୪ରେ ଜାତୀୟ ବନ୍ୟପ୍ରାଣୀ ଦିବସ ପାଳିତ ହୋଇଥାଏ। ୨୦୦୫ରେ କଲିନ ପାଜଙ୍କ ଉଦ୍ୟମରେ ଏହି ଦିବସ ପ୍ରଥମେ ପାଳନ କରାଯାଇଥିଲା। ଜାତୀୟ ତଥା ବିଶ୍ୱସ୍ତରରେ ବିଲୁପ୍ତ ପ୍ରାଣୀଙ୍କ ବିଷୟରେ ସଚେତନତା ସୃଷ୍ଟି କରିବାରେ ଏହି ଦିବସ ସାହାଯ୍ୟ କରିଥାଏ।
ଜାତୀୟ ବନ୍ୟପ୍ରାଣୀ ଦିବସ ଦୁଇଟି ତାରିଖରେ ପାଳନ କରାଯାଇଥାଏ। ଫେବୃୟାରୀ ୨୨ ଗୋଟିଏ ଥିବାବେଳେ ଅନ୍ୟଟି ହେଉଛି ସେପ୍ଟେମ୍ବର ୪। ଏହି ଦିବସ ପୃଥିବୀର ବିଭିନ୍ନ ସ୍ଥାନରେ ବନ୍ୟପ୍ରାଣୀଙ୍କ ଅବସ୍ଥା ବିଷୟରେ ସଚେତନତା ସୃଷ୍ଟିି କରିବାର ପ୍ରୟାସକୁ ସାକାର କରିଥାଏ। ଉକ୍ତ ଦିବସ ପାଳନ ଅବସରରେ ଲୋକଙ୍କୁ ସ୍ଥାନୀୟ ପ୍ରାଣୀ ଉଦ୍ୟାନ ପରିଦର୍ଶନ ସହ ପ୍ରାଣୀଙ୍କ ଜୀବନରେ ପରିବର୍ତ୍ତନ ଆଣିବା ପାଇଁ ସଚେତନତା ସୃଷ୍ଟି ଲାଗି ଉତ୍ସାହିତ କରାଯାଇଥାଏ।
ସେପ୍ଟେମ୍ବର ୪ରେ ପୂର୍ବରୁ ପାଳନ କରାଯାଉଥିବା ଦିବସ ସହିତ ୱାଇଲ୍ଡ ଲାଇଫ ୱାରିଅର୍ ଷ୍ଟିଭ ଇରୱିନଙ୍କ ସ୍ମୃତି ତଥା ଜନ୍ମଦିନକୁ ସମ୍ମାନ ଜଣାଇବା ପାଇଁ ଫେବୃୟାରୀ ୨୨ ତାରିଖକୁ ମଧ୍ୟ ଯୋଡ଼ାଯାଇଛି।