ହସ୍ତରେଖା ଶାସ୍ତ୍ର ଅନୁରେ ହାତର ରେଖା ଆମର ଭବିଷ୍ୟତରେ ହେବାକୁ ଥିବା ଘଟଣା ବିଷୟରେ ପ୍ରାକ୍ ସୂଚନା ଦେଇଥାଏ। ହାତରେ ଭାଗ୍ୟ ରେଖା, ଜୀବନ ରେଖା, ହୃଦୟ ରେଖା ସହ ଆଉ ଏକ ବିବାହ ରେଖା ମଧ୍ୟ ଥାଏ। ଏହା କୌଣସି ବ୍ୟକ୍ତିର ବିବାହ କେବେ ହେବ ତାହା କହିଥାଏ। ବିବାହ ରେଖା ହାତର ବୁଧ ପର୍ବତ ପାଖରେ ସବୁଠାରୁ ସାନ ଆଙ୍ଗୁଠିର ତଳ ଭାଗରେ ଥାଏ। କାହା ହାତରେ ଗୋଟିଏ ତ ଆଉ କାହା ହାତରେ ଏକାଧିକ ବିବାହ ରେଖା ରହିଥାଏ। ଜାଣନ୍ତୁ ବିବାହ ରେଖାର ଅର୍ଥ କ’ଣ?
ବିବାହରେ ହୋଇପାରେ ବିଳମ୍ବ: ଯେଉଁ ବ୍ୟକ୍ତିର ହାତରେ ବିବାହ ରେଖା ହୃଦୟ ରେଖା ନିକଟରେ ଥାଏ, ତାକୁ ୨୫ ବର୍ଷ ହେବା ବେଳକୁ ବିବାହ ହୋଇଯାଏ। ସେହିଭଳି ବିବାହ ରେଖା କାଣି ଆଙ୍ଗୁଠିର ଯେତେ ପାଖରେ ଥାଏ ତାର ବିବାହରେ ସେତିକି ବିଳମ୍ବ ହୋଇଥାଏ। ଯାହାର ହାତରେ ବୃହସ୍ପତି ନିଜ ସ୍ଥାନରୁ ଶନିଙ୍କ ଆଡ଼କୁ ଢ଼ଳି ରହିଥାଏ ତାଙ୍କର ବିବାହ ପ୍ରାୟତଃ ୩୦ ବର୍ଷ ହେବାର ସମ୍ଭାବନା ଥାଏ। ଯଦି ବିବାହ ରେଖା ଉପରକୁ ଆସି ହୃଦୟ ରେଖା ସହ ମିଶିଥାଏ, ନଚେତ ବିବାହ ରେଖା ଉପରେ କଳାଜାଇ ଅଥବା ଯୁକ୍ତ ଚିହ୍ନ ଥାଏ ତାଙ୍କର ବିବାହରେ ବିଳମ୍ବ ହେବାର ସମ୍ଭାବନା ଥାଏ।
ଦୁଇଟି ବିବାହ ଯୋଗ: ହାତରେ ଅନେକ ବିବାହ ରେଖା ରହିବା ଅର୍ଥ ଛାଡ଼ପତ୍ର ନଚେତ ବିବାହ ପରେ ଅନ୍ୟ କାହା ସହ ସମ୍ପର୍କରେ ରହିବାର ସଙ୍କେତ ଦେଇଥାଏ। ଯାହା ହାତରେ ଦୁଇଟି ବିବାହ ରେଖା ରହିଛି ସେଥିରୁ ଗୋଟିଏ ସ୍ପଷ୍ଟ ଥିବା ବେଳେ ଆଉ ଗୋଟିଏ ଝାପ୍ସା ରହିଛି, ହେଲେ ବୁଧ ପର୍ବତ ଯାଏ ଏହା ମାଡ଼ିଛି ତେବେ ଏହି ରେଖଶ ଜୀବନରେ ଦୁଇଟି ବିବାହ ହେବାର ସଙ୍କେତ ଦେଇଥାଏ। ଏହା ଗମ୍ଭୀର ପ୍ରେମ ସମ୍ପର୍କ ହେବାର ସଙ୍କେତ ଦେଇଥାଏ।
ବିବାହ ପରେ ଅନ୍ୟ କାହା ପ୍ରେମରେ ପଡ଼ିପାରନ୍ତି: ହସ୍ତରେଖା ଶାସ୍ତ୍ର ଅନୁସାରେ ଯାହାରେ ହାତରେ ବିବାହ ରେଖା ଅଧାରୁ କଟିଥାଏ ତାର ବୈବାହିକ ଜୀବନ ଦୀର୍ଘ ସମୟ ଯାଏ ଚାଲିପାରି ନ ଥାଏ। ଏଣୁ କୌଣସି ନା କୌଣସି କାରଣରୁ ସ୍ତ୍ରୀସ୍ବାମୀ ଅଲଗା ହେବାର ସମ୍ଭାବନା ଥାଏ। ଯଦି ବିବାହ ରେଖା ସହ ଅନ୍ୟ କୌଣସି ରେଖା ସମାନ୍ତରାଳ ଭାବେ ଥାଏ ତେବେ ବ୍ୟକ୍ତି ଜୀବନସାଥୀଙ୍କ ସହ ଅନ୍ୟ କାହା ସହ ସମ୍ପର୍କରେ ରହିବାର ସଙ୍କେତ ମିଳିଥାଏ।