ପୁଣେ,୨୩।୩: ପାଞ୍ଚ ମ୍ୟାଚ ବିଶିଷ୍ଟ ଟି -୨୦ ସିରିଜରେ ଇଂଲଣ୍ଡକୁ ୩-୨ରେ ପରାସ୍ତ କରିବା ପରେ ଏବେ ଟିମ ଇଣ୍ଡିଆ ଏକଦିବସୀୟ ସିରିଜ ଉପରେ ନଜର ରଖିଛି। ମଙ୍ଗଳବାରଠାରୁ ପୁଣେରେ ଭାରତ ଏବଂ ଇଂଲଣ୍ଡ ମଧ୍ୟରେ ୩ଟି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ ଆରମ୍ଭ ହେଉଛି। ଟିମ ଇଣ୍ଡିଆ ମଧ୍ୟ ଇଂଲଣ୍ଡରେ ବିପକ୍ଷ ବିଜୟ ଧାରା ବଜାୟ ରଖିବାକୁ ଚେଷ୍ଟା କରିବ। ଏହି ସମୟରେ ଇଂଲଣ୍ଡ ଉଭୟ ଏକଦିବସୀୟ ଏବଂ ଟି-୨୦ ର଼୍ୟାଙ୍କିଙ୍ଗରେ ପ୍ରଥମ ସ୍ଥାନ ଅଧିକାର କରିଛି ଏବଂ ଟିମ ଇଣ୍ଡିଆ ଦ୍ୱିତୀୟ ସ୍ଥାନରେ ଅଛି। ଇଂଲଣ୍ଡରେ ୧୨୩ ରେଟିଂ ପଏଣ୍ଟ ରହିଛି। ୧୧୭ ରେଟିଂ ପଏଣ୍ଟ ସହିତ ଭାରତ ଦ୍ୱିତୀୟ ସ୍ଥାନରେ ରହିଛି। ଏକଦିବସୀୟ ର଼୍ୟାଙ୍କିଙ୍ଗରେ ନ୍ୟୁଜିଲାଣ୍ଡ ତୃତୀୟ, ଅଷ୍ଟ୍ରେଲିଆ ଚତୁର୍ଥ ଏବଂ ଦକ୍ଷିଣ ଆଫ୍ରିକା ପଞ୍ଚମ ସ୍ଥାନରେ ରହିଛି।
ଇଂଲଣ୍ଡ ବିପକ୍ଷ ତିନୋଟି ଏକଦିବସୀୟ ସିରିଜ ପରେ ଟିମ ଇଣ୍ଡିଆ ନମ୍ବର-୧ ହେବାର ସମ୍ଭାବନା ରହିଛି। ଯଦି ସିରିଜର ସମସ୍ତ ତିନୋଟି ମ୍ୟାଚ ଭାରତ ଜିତେ ତେବେ ଏହା ତିନୋଟି ରେଟିଂ ପଏଣ୍ଟ ହାସଲ କରିବ ଏବଂ ୧୨୦ ପଏଣ୍ଟ ସହ ଏକଦିବସୀୟରେ ନମ୍ବର -୧ ହେବ । ଯଦି ଭାରତ ୨-୧ ସିରିଜ ଜିତେ, ତେବେ ସେ ଦ୍ୱିତୀୟ ସ୍ଥାନରେ ରହିବେ।