ବିଶ୍ୱର ପ୍ରତିଦେଶରେ ଭିନ୍ନ ଭିନ୍ନ ଟ୍ରାଫିକ ନିୟମ ରହିଛି। ପ୍ରତି ଦେଶର ସରକାର ନିଜର ନାଗରିକମାନଙ୍କ ସୁରକ୍ଷା ପାଇଁ ଟ୍ରାଫିକ ନିୟମ ତିଆରି କରିଛନ୍ତି। ନିୟମ ପାଳନ ନ କଲେ ଦୁର୍ଘଟଣାରେ ଜୀବନ ଚାଲିଯିବାର ଆଶଙ୍କା ରହିଥାଏ। ମାତ୍ର କିଛି ଦେଶରେ ଅଜବ ନିୟମ ଲୋକଙ୍କୁ ଚିନ୍ତାରେ ପକାଇଥାଏ। ଏପରି ଏକ ଅଜବ ନିୟମ ରହିଛି ଥାଇଲାଣ୍ଡରେ। ଯାହା ଶୁଣିଲେ ଆଶ୍ଚର୍ଯ୍ୟ ଲାଗେ। ଏଠାରେ ଟି-ଶର୍ଟ ପିନ୍ଧି କେହି ଗାଡ଼ି ଚଲାଇପାରିବେ ନାହିଁ। ଯଦି କେବେ କାହାର ମନ ହୁଏ ଟି-ଶର୍ଟ ପିନ୍ଧିବାକୁ ତେବେ ଏହା ପୂରଣ ହେବ ନାହିଁ। ଅମାନିଆ ହୋଇ କେହି ଟି-ଶର୍ଟ ପିନ୍ଧି ଗାଡ଼ି ଚଲାଇଲେ ମୋଟା ଅଙ୍କର ଚାଲାଣ କଟିବ। ଯାହାକୁ ନେଇ ଚିନ୍ତାରେ ପଡ଼ିଛନ୍ତି ଗାଡ଼ିଚାଳକ।