ଖୋର୍ଦ୍ଧା ଅଫିସ,୯।୭: ଖୋର୍ଦ୍ଧା ସହରରେ ଟ୍ରାଫିକ୍ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି । ରାସ୍ତାରେ ପାର୍କିଂ ଯୋଗୁ ଯାତାୟାତରେ ଅସୁବିଧା ହେଉଛି। ଏ ନେଇ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି । ଏଣିକି ରାସ୍ତାରେ ବାଇକ୍ ପାର୍କିଂ କଲେ ଜରିମାନା ଆଦାୟ କରାଯିବ। ବଜାରକୁ ବାଇକ୍, କାର ଧରି ଆସୁଥିବା ବ୍ୟକ୍ତି ପୌରସଂସ୍ଥା ପକ୍ଷରୁ ଚିହ୍ନଟ ପାର୍କିଂ ସ୍ଥଳ ଯଥା ପୁରୁଣା ଓ ନୂଆ ବସଷ୍ଟାଣ୍ଡ, ପିଡବ୍ଲ୍ୟୁଡି ବଙ୍ଗଳା ପାଶର୍ବ, ଗୀତା ଭବନ ନିକଟ ପାର୍କିଂ ସ୍ଥାନରେ ରଖିବାକୁ ପୌର ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି ।