ତେହରାନ/ନୂଆଦିଲ୍ଲୀ,୧୫ା୧୨: ଭାରତ ସମେତ ୩୩ଟି ଦେଶ ପାଇଁ ଭିଜା ଆବଶ୍ୟକତା ଛାଡ଼ କରିବାକୁ ନିଷ୍ପତ୍ତି ନେଇଛି ଇରାନ। ଏହାର ଅର୍ଥ ହେଉଛି ଯେ, ଭାରତୀୟ ନାଗରିକମାନେ ଆଉ ଇରାନ ଯାତ୍ରା କରିବା ପାଇଁ ଭିଜା ଆବଶ୍ୟକ କରିବେ ନାହିଁ। ଇରାନର ସାଂସ୍କୃତିକ ଐତିହ୍ୟ, ପର୍ଯ୍ୟଟନ ଏବଂ ହସ୍ତତନ୍ତ ମନ୍ତ୍ରୀ ଏଜାଟୋଲ୍ଲା ଜରଗାମି କହିଛନ୍ତି, ଏହି ନିଷ୍ପତ୍ତିର ଉଦ୍ଦେଶ୍ୟ ହେଉଛି ପର୍ଯ୍ୟଟନ ଆଗମନକୁ ବୃଦ୍ଧି କରିବା ଏବଂ ବିଶ୍ୱର ବିଭିନ୍ନ ଦେଶରୁ ଅଧିକ ପରିଦର୍ଶକଙ୍କୁ ଆକର୍ଷିତ କରିବା।