ନୂଆଦିଲ୍ଲୀ,୨୪।୫:ଉତ୍ତର ପ୍ରଦେଶର ଏକ ବସ୍ତିରେ ନିର୍ବାଚନୀ ପ୍ରଚାର କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପ୍ରଚାର ଅଭିଯାନ ସମୟରେ ସେ ନିଜକୁ ଇଶ୍ୱର ପ୍ରଦତ୍ତ କହିବା ସହ ଇଶ୍ୱରଙ୍କ ଅଂଶ ବୋଲି କହିଛନ୍ତି। ଏହି କ୍ରମରେ ସେ ଲୋକଙ୍କୁ ଭୋଟ ମାଗିବା ଆଳରେ କହିଛନ୍ତି, ଯେଉଁମାନେ ମୋତେ ଭୋଟ ଦେବେ ସେମାନଙ୍କର ପୂଣ୍ୟ ହେବ। ଆଉ ମୋତେ ଭୋଟ ଦେଲେ ମୁଁ ସବୁବେଳେ ପୂଣ୍ୟକାମ କରିବି।
ମେ ୧୪ରେ ବାରଣାସୀର ଲୋକ ସଭା ଆସନରୁ ନାମାଙ୍କନ ଦାଖଲ କରିଛନ୍ତି ମୋଦି। ତେବେ ନାମାଙ୍କନ ଦାଖଲ କରିବା ପୂର୍ବରୁ ସେ ଏକ ସାକ୍ଷାତକାର ଦେଇଥିଲେ। ସାକ୍ଷାତକାରରେ ସେ କହିଥିଲେ ଯେ, ମୁଁ ଜୈବିକ ରୂପେ ଜନ୍ମ ହୋଇ ନାହିଁି। ଯେତେବେଳେ ପର୍ଯ୍ୟନ୍ତ ମୋ ମାଆ ପାଖରେ ଥିଲେ ମୋତେ ଲାଗୁଥିଲା କି, ମୁଁ ଜୈବିକ ରୂପେରେ ଜନ୍ମ ହୋଇଛି। କିନ୍ତୁ ମାଆ ଯିବା ପରେ ମୁଁ ଅନୁଭବ କରୁଛି କି, ମୋ ଧାରଣା ଭୁଲ। ମୋତେ ଭଗବାନ ପଠାଇଛନ୍ତି। ମୁଁ ଇଶ୍ୱର ପ୍ରଦତ୍ତ। ଏହି ଶରୀର ଭଗବାନଙ୍କ ଠାରୁ ମିଳିଛି ବୋଲି ପ୍ରଧାନମନ୍ତ୍ରୀ କହିଛନ୍ତି।