ନୂଆଦିଲ୍ଲୀ,୧।୪: ମାର୍ଚ୍ଚ ୨୬ରୁ ଆରମ୍ଭ ହୋଇଛି ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)। ଟୁର୍ନାମେଣ୍ଟ ଆରମ୍ଭ ହେବା ଦିନରୁ ଟସ୍ ଜିତିବା ହିଁ ବିଜୟର ଫର୍ମୁଲା ପାଲଟିଛି। କାରଣ ଏଯାବତ ହୋଇଥିବା ଲିଗ୍ରେ ମୋଟ ୭ ମୁକାବିଲା ଖେଳାଯାଇଥିବା ବେଳେ ସେଥିରୁ ୬ ମ୍ୟାଚ୍ ଟସ୍ ଜିତିଥିବା ଟିମ୍ ଜିତିଛି। ଟସ୍ ଜିତୁଥିବା ଟିମ୍ ପ୍ରଥମେ ବୋଲିଂ କରିବା ନିଷ୍ପତ୍ତି ନେଉଛି। ପରେ ଲକ୍ଷ୍ୟ ଯେତେ ବଡ଼ ହେଉ ନା କାହିଁକି ତାକୁ ଟିମ୍ ହାସଲ କରିନେଉଛନ୍ତି।
କରୋନା କଟକଣା ମଧ୍ୟରେ ଆଇପିଏଲ୍ଣ ସମସ୍ତ ମୁକାବିଲା ମହାରାଷ୍ଟ୍ରର ୪ ଷ୍ଟାଡିୟମରେ ଖେଳାଯାଉଛି। ଏସବୁ ମଇଦାନରେ ପ୍ରଥମେ ବୋଲିଂ କରୁଥିବା ଟିମ୍କୁ ଲାଭ ମିଳୁଛି। ଏହି କାରଣରୁ ଖେଳାଯାଇଥିବା ମ୍ୟାଚ୍ଗୁଡ଼ିକରେ ଟସ୍ ଜିତିବା ପରେ ଦଳଗୁଡ଼ିକ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଉଛନ୍ତି। ଆଇପିଏଲ୍ର ଏହି ସିଜନ୍ରେ ଏଯାବତ ସନରାଇଜର୍ସ ହାଇଦ୍ରାବାଦ ଏକମାତ୍ର ଦଳ ଯିଏ ଟସ୍ ଜିତିବା ସତ୍ତ୍ୱେ ପରାଜୟର ସମ୍ମୁଖୀନ ହୋଇଛି।
ଟସ ଜିତି ପ୍ରଥମେ ବୋଲିଂ କରି ମ୍ୟାଚ ଜିତିଥିବା ଦଳ:
-ଏହି ସିଜନର ପ୍ରଥମ ମ୍ୟାଚ୍ ଡିଫେଣ୍ଡିଂ ଚାମ୍ପିଅନ ଚେନ୍ନାଇ ସୁପର କିଙ୍ଗସ ଏବଂ କୋଲକାତା ଦଳ ମଧ୍ୟରେ ଖେଳାଯାଇଥିଲା। ଚେନ୍ନାଇ ଦଳ ୫ ଉଇକେଟ ହରାଇ ୧୩୧ ରନ ସଂଗ୍ରହ କରିଥିଲା। ଜବାବରେ ୧୮.୩ ଓଭରରେ ୧୩୩ ସ୍କୋର କରି କୋଲକାତା ମ୍ୟାଚ୍ ଜିତିଥିଲା।
-ଦ୍ୱିତୀୟ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୫ ଉଇକେଟ ହରାଇ ୧୭୭ ସ୍କୋର କରିଥିଲା। ୧୮.୨ ଓଭରରେ ୬ ଉଇକେଟ ହରାଇ ୧୭୯ ସ୍କୋର କରି ଦିଲ୍ଲୀ ବିଜେତା ହୋଇଛି।
-ତୃତୀୟ ମ୍ୟାଚ୍ ପଞ୍ଜାବ ବିପକ୍ଷରେ ଆରସିବି ୨୦୫ ରନ ସଂଗ୍ରହ କରିଥିଲା। ପଞ୍ଜାବ ୧୯ ଓଭରରେ ୫ ଉଇକେଟ ହରାଇ ୨୦୮ ରନ ସଂଗ୍ରହ କରି ଜିତିଥିଲା।
-ଚତୁର୍ଥ ମ୍ୟାଚ୍ରେ ଲକ୍ଷ୍ନୌ ଗୁଜୁରାଟ ବିପକ୍ଷରେ ୬ ଉଇକେଟ ହରାଇ ୧୫୮ ରନ ସଂଗ୍ରହ କରିଥିଲା। ୧୯.୪ ଓଭରରେ ୫ ଉଇକେଟ ୧୬୧ ସ୍କୋର କରି ଗୁଜୁରାଟ ମ୍ୟାଚ ଜିତିଥିଲା।
– ଷଷ୍ଠ ମ୍ୟାଚ୍ରେ କୋଲକାତା ୧୮.୫ ଓଭରରେ ୧୨୮ ରନ ପାଇଁ ଆରସିବିକୁ ଅଟକାଇଥିଲେ। ଏହାର ଜବାବରେ ଆରସିବି ୧୯.୨ ଓଭରରେ ୭ ଉଇକେଟ ହରାଇ ୧୩୨ ରନ ସଂଗ୍ରହ କରି ମ୍ୟାଚ୍ ଜିତିଥିଲା ।
-ସପ୍ତମ ମ୍ୟାଚରେ ଚେନ୍ନାଇ ଗୁଜୁରାଟ ବିପକ୍ଷରେ ୭ ଉଇକେଟ ହରାଇ ୨୧୦ ରନ ସଂଗ୍ରହ କରିଥିଲା। ଜବାବରେ ଲକ୍ଷ୍ନୌ ୧୯.୩ ଓଭରରେ ୪ ଉଇକେଟ ହରାଇ ୨୧୧ ସ୍କୋର କରି ମ୍ୟାଚ୍ ଜିତି ନେଇଥିଲା।