ପାରାଦୀପ,୨।୧୨(ସ୍ବ.ପ୍ର.): ପାରାଦୀପରେ ଥିବା ଇଫ୍କୋ ସାର କାରଖାନାକୁ ବୁଧବାର ଦିଲ୍ଲୀଠାରେ ପ୍ରଦୂଷଣ ପ୍ରୋଟେକଶନ ଆୱାର୍ଡ ମିଳିଛି। ଫାଇ (ଫର୍ଟିଲାଇଜର ଆସୋସିଏଶନ ଇଣ୍ଡିଆ) ପକ୍ଷରୁ ଆୟୋଜିତ ବାର୍ଷିକ ଉତ୍ସବରେ ଇଫ୍କୋ ପାରାଦୀପ ୟୁନିଟକୁ ପ୍ରଥମ ପୁରସ୍କାର ମିଳିଛି। କେନ୍ଦ୍ର ସାର ଓ ରସାୟନ ମନ୍ତ୍ରୀ ମନସୁଖଲାଲ ମାଣ୍ଡଭିୟଙ୍କଠାରୁ କମ୍ପାନୀର ବରିଷ୍ଠ ଅଧିକାରୀ ଏମ୍. କେ. ପାଣ୍ଡେ ପୁରସ୍କାର ଗ୍ରହଣ କରିଥିଲେ। ଅନ୍ୟମାନଙ୍କ ମଧ୍ୟରେ ଫାଇର ଅଧ୍ୟକ୍ଷ କେ. ଏସ. ରାଜୁ ପ୍ରମୁଖ ଉପସ୍ଥିତ ଥିଲେ।